Charter Document - 03150254

Universis Cristi fidelibus presens scriptum visuris vel audituris Willelmus miseratione divina Exoniensis ecclesie minister humilis salutem in domino sempiternam Ad universitatis vestre noticiam volumus pervenire nos de voluntate prioris et conventus de Monte Acuto necnon et abbatis Cluniac assensu dedisse et concessisse et hac presenti carta nostra confirmasse deo et ecclesie sancti Petri Exon et canonicis ibidem deo famulantibus ecclesiam de Alternon in Cornubia liberam et solutam cum omnibus subscriptis inperpetuum pacifice tenendam et possidendam Tenentur siquidem dicti canonici vicario perpetuo in eadem ecclesia personaliter et perpetuo residenti et eidem deservienti qui curam habeat animarum sustentationem de bonis illius ecclesie bonorum virorum arbitrio competentem sine difficultate providere ita tamen quod summam quinque marcarum non excedat vicaria Quem quidem vicarium successive tenentur nobis et successoribus nostris presentare Qui quidem vicarius nobis et successoribus nostris et archid et offic nostris in omnibus integre respondent de hiis in quibus rector ecclesie ex consuetudine antiqua et ordinaria respondere consuevit Tenentur etiam ex ordinatione nostra viginti quatuor vicariis Exoniensis ecclesie duodecim marcas duodecim clericis de secunda forma sex marcas quatuordecim vero clericis pueris de tercia forma horis statutis circa cultum dei in eadem ecclesia laborantibus septem marcas annuas inter se iuxta statum cuiuslibet predicti gradus pro equis portionibus distribuendas per manus senescalli capituli solvere Quorum predictorum vicariorum quinque de secunda forma quinque et de pueris predictis quatuor cotidiane misse beate virginis in capella ipsius in eadem ecclesia Exoniensi omni excusatione postposita diligenter intererunt et devote Quod qui facere neglexerit nec alium sui ordinis pro se ad hoc necessarium subrogaverit per ministrum altaris beate virginis super hoc accusatus et convictus coram decano et capitulo penam subtractionis portionis diei sibi debite gratis et sine contradiccione pro defectu cuiuslibet diei subibit Et quod ei scilicet absenti hac de causa fuerit subtractum presentibus eiusdem gradus vel alterius eiusdem ecclesie clericis eodem die defectum adimplentibus ita quod dictus numerus non diminuatur sine dilatione accrescat Fiet autem distributio inter predictos vicarios et clericos ut predictum est qualibet septimana die sabbati ita quod quilibet vicariorum predictorum quinque pro qualibet die unum denarium clerici vero predicti et pueri fiunt taill[agia] canonicorum de residuo per senescallum capituli omnes distributio ita quod quilibet sibi assignate sit contentus Tenentur etiam post decessum nostrum quolibet anno inperpetuum die obitus nostri anniversarium nostrum solempniter et devote celebrare ita dumtaxat quod singuli canonici qui secundum antiquam ecclesie consuetudinem et approbatam anniversarii nostri celebrationi interfuerint quatuor denarios vicarii quoque similiter presentes duos alii vero quicumque fuerint in choro sive in prima sive in secunda forma debito more unum denarium clerici vero et pueri quotquot similiter in choro fuerint scilicet in tercia forma singuli singulos obulos dicto die percipient Ob nostram etiam reverentiam concesserunt nobis predicti canonici ut singulis annis die obitus nobilis viri laudabilis memorie Willelmi Briwer senioris benefici nostri celebretur in ecclesia nostra solempne anniversarium eiusdem observata annua prestatione denariorum in choro tempore misse secundum quantitatem in obitu magistri Ysaac vel obitu consimili taxatam In cuius rei testimonium presenti scripto sigillum nostrum apponi fecimus Dat Exon anno gratie millesimo ducentesimo tricesimo sexto pridie kalendas Iulii consecrationis nostre anno terciodecimo