Charter Document - 03150243
| Charter Number: | 03150243 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1242 |
| Date type: | Internal, A.D., Calendar |
| Resource Link(s): |
|
Charter:
Omnibus sancte matris ecclesie filiis ad quos presentes litere pervenerint Willielmus miseratione divina Exoniensis episcopus salutem in Domino eternam Noverit universitas vestra quod considerata cotidiana hospitalitate quam in domo beate Marie de Donekewell ultra quam facultates ipsius domus subpetere videantur devote exercetur de consensu et voluntate dilectorum filiorum decani et capituli Exoniensis ecclesiam de Donekewell parochialem cum omnibus pertinentiis suis que ad patronatum abbatis et conventus dicte domus pertinere dinoscitur divine caritatis intuitu in augmentum hospitalitatis ejusdem misericorditer duximus concedendam et in proprios usus imperpetuum confirmandam Et quia abbatia de Donekewell infra limites parochie dicte ecclesie sita est volumus ut eandem per honestum capellanum faciat de serviri Volumus eciam ut dictis abbati et conventui occasione dicte ecclesie contra tenorem privilegiorum suorum nichil servitutis accrescat In hujus rei testimonium presenti scripto sigillum nostrum apponi fecimus Datum apud Cerde xi Kal Octobris anno gratie MCCXLII