Charter Document - 03150241
| Charter Number: | 03150241 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1242 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos littere presentes pervenerint Willelmus dei gratia Exoniensis ecclesie minister humilis salutem in salutis auctore Noverit universitas vestra nos divine caritatis intuitu et pro salute anime nostre et antecessorum et successorum nostrorum Exoniensis ecclesie episcoporum dedisse concessisse et hac presenti carta nostra confirmasse in liberam puram et perpetuam elemosinam deo et reclusorio quod in honore gloriose virginis Marie fundavimus et dedicavimus iuxta capellam sancti Laurentii in novo burgo nostro de Criditon et fratri Nicholao illius loci primo incluso et omnibus successoribus suis ibidem deo servientibus totum ius quod habemus vel nos vel successores nostri Exonienses episcopi habere poterimus in terra que vocatur Mons Ioscelini in manerio nostro de Criditon salvis octo solidis sterlingorum nobis et successoribus nostris annuatim de predicta terra persolvendis In cuius rei testimonium presenti carte nostre sigillum nostrum duximus apponendum Dat apud Criditon manerium nostrum tertio nonas Decembris anno gratie MCCXL secundo consecrationis nostre nonodecimo coram domino Thoma archidiacono Tottonie domino Henrico thesaurario Criditon et canonico Exon magistro Rogero de Toriz et domino Martino Prodhumm Exon canonicis domino Beniamin et domino Thoma capellano Criditon canonicis domino Thoma de Tetteburn milite Willelmo le Pruz iuniore Laurentio filio Ricardi Iohanne filio Andree et multis aliis