Charter Document - 03150233
| Charter Number: | 03150233 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1235 - 1236 |
| Date type: | Internal, A.D., Calendar |
| Resource Link(s): |
|
Charter:
Omnibus ad quos presens scriptum pervenerit Willelmus miseratione divina Exoniensis episcopus salutem in vero salutari Noverit universitas vestra nos religiosos viros abbatem et conventum Belli Loci Regis Cisterciensis ordinis qui sicut per litteras regias accepimus ex dono et concessione nobilis viri Ricardi comitis Cornubius patronatus in ecclesia sancti Caveran habent ad eandem ecclesiam in usus proprios perpetuo possidendam quantum in nobis est admisisse et eis auctoritate ordinaria confirmasse salva nobis et successoribus nostris et archidiaconi loci in omnibus auctoritate ordinaria consueta quam habere dinoscimus in aliis ecclesiis dioecesis nostre et salva etiam Benedicto capellano eiusdem ecclesie vicario et successoribus suis vicariis vicaria perpetua in eadem xv marcarum singulis annis ad duos terminos videlicet ad Pasca et ad festum sancti Michaelis pro equis portionibus a dictis abbate et conventu sine omni exceptione cavillatione et dilatione percipiendarum sub pena trium marcarum si forte solutionem predictam prout supradictum est terminis prelibatis non fecerint Dictus vero B et successores sui eiusdem ecclesie vicarii omina onera episcopalia et archidiaconalia debita et consueta sustinebunt In cuius rei testimonium et evidentiam pleniorem presentes litteras sigillo nostro signatas religiosis predictis duximus concedendas Dat London anno domini MCCXXXV septimo kal Februarii