Charter Document - 03150229
| Charter Number: | 03150229 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1224 - 1244 |
| Date type: | Assigned |
| Resource Link(s): |
|
Charter:
Universis Cristi fidelibus ad quos littere presentes pervenerint Willelmus miseratione divina Exoniensis ecclesie minister humilis salutem eternam in domino Noverit universitas vestra quod Hay mercator in presencia nostra constitutus omnes possessiones suas sitas in burgo Barnestapol domui beate Marie Magdalene Barnestap et monachis ibidem deo servientibus in puram et perpetuam contulit elemosinam promittens insuper omnimodo obligando se et heredes suos sacramento corporaliter interposito quod si contingeret quod ipse vel heredes sui post eius decessum contra dictam donationem niterentur venire in contrarium nomine pene dicte domui quadraginta marcas solverent sine contradictione Et super omnibus hiis observandis dictus Hay mercator pro se et heredibus suis renunciavit omni privilegio fori et excepcioni et cavillationi sub hypotheca omnium rerum suarum et heredum et maxime regie prohibicioni et constitucioni Innocentii de duabus dietis Renunciavit insuper omnibus predictis supponens se et heredes suos iurisdictioni ecclesie In cuius rei testimonium tam nos sigillum nostrum quam dictus Hay sigillum unacum sigillo domini Henrici de Tracy apposuimus Hiis testibus Iohanne capellano decano magistro Ricardo de Alfridescam [] Henrico Beaupeil [] Hugone de Barnestap Thoma de Hestercomb et multis aliis