Charter Document - 03150228

Universis fidelibus ad quos presens scriptum pervenerit Willelmus miseratione divina Exoniensis ecclesie minister uhmilis eternam in domino salutem Noverit universitas vestra nos divine caritatis intuitu inspectis cartis Iohelis de Toton et Henrici de Trasci dedisse et hac presenti carta nostra confirmasse de voluntate et consensu dilectorum filiorum nostrorum decani et capituli Exon ecclesiam matricem beati Petri de Barnastapolia cum capellis decimis et obventionibus ad eam pertinentibus priori sancte Marie Magdalene de Barnastapl quem pro tempore perpetuum esse decrevimus et monachis ibidem deo servientibus habendam et tenendam in perpetuum ad usus proprios integre et plenarie salva honesta sustentatione capellani ad presentationem dictorum prioris et monachorum a nobis et successoribus nostris instituendi qui quamdiu fideliter et honeste se habuerit amoveri non poterit ab eisdem Hanc autem donationem et concessionem fecimus salva iurisdictione nostra et successorum nostrorum et archidiaconorum loci in eadem ecclesia salvo etiam iure et possessione ominum qui vel in eadem ecclesia vel ad eandem aliquid iuris obtinere noscuntur Habebit autem capellanus qui pro tempore fuerit honestam domum iuxta portam prioratus et victualia pannis et calciamentis exceptis sicut unus de fratribus et una cum illis Duas etiam marcas ad quatuor anni terminos pro equis portionibus percipiet per manum prioris de oblationibus eiusdem ecclesie et equum et servientem habebit de ipso prioratu ad omnes necessarias ecclesie profectiones Et his tantum contentus nichil exrta vel intra percipiet sed de omnibus integre dicto priori respondebit Et sustinebit idem prior omnia onera ecclesie episcopalia et archidiaconalia debita et consueta Ut autem hec concessio et donatio nostra futuris temporibus stabilis perseveret eam scripti presentis munimine et sigilli nostri fecimus impressione roborari Actum anno domini MCCXXXIII in die inventionis sancti Stephani protomartyris consecrationis nostre anno x Hiis testibus magistris Philippo precentore et Ricardo cancellario magistro Willelmo de Arundell canonicis Exon Martino Prudue rectore ecclesie de Peinton magistro W de Molend Rogero Evrardo et multis aliis