Charter Document - 03150221

Omnibus sancte matris ecclesie filiis ad quos presens scriptum pervenerit Symon dei gratia Exoniensis episcopus eternam in domino salutem Noverit universitas vestra quod nos habito respectu ad religionem honestatem pariter et paupertatem domus de Thorre concessimus divine pietatis intuitu dilectis in Cristo filiis abbati et conventui eiusdem loci de Thorre ecclesiam de Hanoc cum omnibus pertinentiis suis in proprios usus convertendam post decessum Beniamin clerici vicarii eiusdem ecclesie Ita quod liceat predictis abbati et canonicis de Thorre post decessum prefati Beniamin possessionem prefate ecclesie de Hanoc cum omnibus pertinentiis suis ingredi nullus requisite assensu et eam pacifice possidere inperpetuum qui tamen in eadem ecclesia facient post decessum dicti Beniamin per sacerdotem secularem divina officia ministrari salva in omnibus Exoniensis ecclesie dignitate et iure nostro et successorum nostrorum et officialium Nos autem prenominatos abbatem et canonicos de Thorr auctoritate episcopali tanquam personas ad prefatam ecclesiam de Hanoc admisimus cum omnibus pertinentiis suis et in corporalem possessionem eos induci fecimus salva tamen prefato Beniamin clerico plenaria et integra possessione totius prefate ecclesie de Hanoc cum omnibus pertinentiis suis tota vita sua reddendo inde prefatis abbati et canonicis de Thorr dimidiam marcam annuatim nomine pensionis quam eis de gratia nostra in vita ipsius Beniamin concessimus scilicet xl denarios ad festum sancti Martini et xl [denarios] ad Pentecosten Ut autem hec nostra concessio rata et stabilis et illibata inperpetuum perseveret eam presentis scripti testimonio et sigilli nostri appositione episcopali auctoritate confirmavimus Hiis testibus