Charter Document - 03150219
| Charter Number: | 03150219 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1216 |
| Date type: | Internal, A.D. |
| Resource Link(s): |
|
Charter:
Omnibus sancte matris ecclesie filiis has litteras visuris vel audituris Simon dei gratia Exoniensis episcopus salutem eternam in domino Noverit universitas vestrum nos divine caritatis intuitu habito respectu ad religionem et honestatem domus Maioris Monasterii Turonen concessisse et auctoritate episcopali confirmasse deo et fratribus Maioris Monasterii Turonen ibidem deo famulantibus quatuor marcas argenti inperpetuum annuatim percipiendas de ecclesia de Turverton nomine pensionis scilicet duas marcas in festo sancti Michaelis et alias duas marcas in Pascha Prefatas autem quatuor marcas fratres prefati Maioris Monasterii annuatim percipient per manum Iuliani vicarii eiusdem ecclesie de Turverton quamdiu vixerit Et si contigerit eundem Iulianum premori Serlonem personam ecclesie prefate qui totam illam ecclesiam cum omnibus suis pertinenciis tota vita sua tenebit idem Serlo singulis annis tota vita sua terminis prenominatis dictas quatuor marcas fratribus Maioris Monasterii persolvet Iuliano autem et Serlone sublatis de medio ipsi recipient perpetuo illas quatuor marcas ad prefatos terminos singulis annis per manum illius qui pro tempore ecclesiam de Turverton tenebit ut autem hec nostra concessio et confirmacio perpetuum robur optineat presenti scripto sigillum nostrum in testimonium apposuimus Act vero anno incarnacionis dominice millesimo ducentesimo sextodecimo Hiis testibus magistro Iohanne offic[iale] Hugone et Willelmo capellanis magistro Ada Aaron Roberto de Raddeway Iuliano Beniamin Eliab clericis et Rogero de Camera Roberto de Cestr clerico et multis aliis