Charter Document - 03150213
| Charter Number: | 03150213 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Admission, Institution |
| Date: | 1199 - 1200 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit H dei gratia Exoniensis episcopus salutem in domino Noverit universitas vestra nos ad presentationem venerabilis fratris nostri S Bathon et Glaston episcopi nullo reclamante aut contradicente admisisse magistrum Iohannem de Tinemuth ad ecclesiam de Aulescumb et eum in eam canonice instituisse Quam ecclesiam ex inspectione instrumentorum domini fundi et bone memorie I predecessoris nostri Wellensi ecclesie nomine prebende novimus esse collatam salvo ecclesie Exoniensi nobis et successoribus nostris iure et consuetudine episcopali in omnibus Quod ne processu temporis alicui vertatur in dubium tam scripti quam sigilli nostri testimonio confirmavimus Dat Ferendon viii kal Martii pontificatus nostri anno sexto Hiis testibus magistro H de Wilton Willelmo de Syindon et Henrico de Eling Exoniensis ecclesie canonicis magistro G de Sutton Iohanne et Serlon capellanis Gileberto et Iohanne et Benedicto clericis nostris et multis aliis