Charter Document - 03150210
| Charter Number: | 03150210 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1197 |
| Date type: | Internal, Calendar, Episcopal |
| Resource Link(s): |
Trinity College Library, Dublin - IE TCD MS 524 (f109r) |
Charter:
Omnibus Cristi fidelibus ad quos presens pagina pervenerit H dei gratia Exoniensis episcopus eternam in domino salutem Ad universorum notitiam volumus pervenire quod nos divini amoris intuitu ad petitionem et concessionem domini W Briwere concessimus et in puram et perpetuam elemosinam donavimus ecclesie sancti Salvatoris de Thorre et canonicis ibidem deo famulantibus ad piam ipsorum sustentationem ecclesiam de Braworthi cum terris et decimis et universis rebus ad eam pertinentibus in ipsorum usus proprios in perpetuum convertendam libere etiam quiete et pacifice possidendam salvo redditu trium marcarum quas domui sancte Marie de Valle et ecclesia illa annuatim persolvent ita quod canonici de Valle sicut plenius nobis constat plusquam tres marcas illas a prefata ecclesia de Braworthi nichil possunt exigere salva etiam honesta ac sufficienti sustentatione unius sacerdotis qui ecclesie illi deserviat et nobis et officialibus nostris nomine predictorum canonicorum de Thorre de episcopalibus competenter respondent Ut igitur hec concessio et donatio nostra rata et inconcussa permaneat in perpetuum eam presentis scripti testimonio et sigilli nostri appositione duximus confirmare Dat Ferendon vi kal Novembris pontificatus nostri anno quarto Hiis testibus []