Charter Document - 03150206
| Charter Number: | 03150206 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1205 |
| Date type: | Internal, Calendar, Episcopal |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis ad quos presens scriptum pervenerit H dei gratia Exoniensis episcopus salutem in domino Ad universitatis vestre perveniat notitiam quod nos caritatis intuitu concessimus deo et ecclesie sancti Michaelis de Monte in periculo maris et monachis ibidem deo servientibus ad peregrinorum et hospitum susceptionem ecclesias suas in episcopatu nostro constitutas cum primo vacaverint in proprios usus suos in puram et perpetuam elemosinam habendas et possidendas cum pertinentiis suis videlicet ecclesiam de Otri cum capella sua de La Hedreland ecclesiam de Sithemugh ecclesiam de Harticumb ecclesiam de Harpeford et in Cornubia ecclesiam de Morres et ecclesiam sancti Illarii salva honesta sustentatione capellanorum ecclesiis illis deservientium qui nobis et successoribus nostris de episcopalibus respondeant salvis etiam nobis et successoribus nostris iure et auctoritate episcopali in omnibus Et ut hec nostra concessio rata et inconcussa permaneat in perpetuum eam presenti scripto et sigilli nostri appositione confirmavimus Dat Criton pridie kal Septembris pontificatus nostri anno duodecimo Hiis testibus Galtero et Henrico Cornub et Exon archidiaconis Anselmo thesaurario Exon magistro Aluredo Willelmo de Swind magistro Henrico magistro Hugone magistro Milone magistro Isaac magistro Rogero canonicis Exon magistro Galtero de Sutton et multis aliis