Charter Document - 03150187
| Charter Number: | 03150187 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1204 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Henricus dei gratia Exoniensis episcopus salutem in domino Noverit universitas vestra nos divine pietatis intuitu concessisse et dedisse deo et ecclesie beati Petri Exonie pensionem annuam ecclesie sancti Iusti de Lansioch scilicet quadraginta tres solidos et quatuor denarios hiis terminis in perpetuum persolvendam ab eo quicumque eiusdem ecclesie pro tempore fuerit vicarius scilicet ad festum sancti Michaelis viginti solidos et viginti denarios et ad pascha viginti solidos et viginti denarios ad ministrandum cum duobus thuribulis incensum in maioris misse celebratione singulis diebus in perpetuum Ad hunc vero redditum recipiendum et in usus maioris altaris in ecclesia Exonie ut prediximus ministrandum Nicholaum de Thesaurario capellanum quamdiu vixerit constituimus procuratorem Illo vero Nicholaum decedente episcopus Exoniensis alium quem viderit idoneum constituat ad redditum ilum recipiendum et modo predicto administrandum Ut igitur hec concessio et donatio rata et inconcussa permaneat in perpetuum eam presenti scripto et sigilli nostri testimonio confirmavimus Datum Exonie ix kalendas Iunii pontificatus nostri anno undecimo Hiis testibus Galtero Cornubie et Henrico Exoniensis archidiaconis magistro Aluredo Anselmo thesaurario Willelmo de Svindon magistro Henrico de Warwich Ricardo filio Drogonis Alano de Furn[ellis] magistro Milone canonicis et multis aliis