Charter Document - 03150172
| Charter Number: | 03150172 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1187 - 1190 |
| Date type: | Assigned |
| Resource Link(s): |
|
Charter:
Iohannes dei gratia Exoniensis ecclesie humilis minister omnibus ad quos presens scriptum pervenerit salutem in domino Cum iuxta apostolum omnibus debitores sumus et dum tempus habemus bonum ad omnes operari teneamur maxime viris religiosis et sancte conversacionis benefacere debemus quatinus stipendiis necessariis ditati sic deo militent ut necesse non habeant negotiis secularibus implicari Ea propter dilectis filiis abbati et monachis sancti Petri super Divam ecclesiam sancti Georgii de Moberia que ad ipsos in solidum noscitur pertinere cum omnibus pertinentiis suis in usus proprios concedimus et episcopali auctoritate confirmamus ita quidem quod liceat monachis qui ibi moram fecerint capellanum suum in domo sua secum habere quem secum in victualibus exhibeant vel ei exterius certam assignent portionem eumque admoneant vel amoveant assensu episcopi vel officialis sui prout ecclesiastico honori et sibi noverint melius expedire Hanc igitur concessionem nostram iure et pietate subnixam ne qua in posterum possit malignitate convelli sigilli nostri auctoritate roboravimus in perpetuum valituram salvo tamen nobis et successoribus nostris iure episcopali Testibus Roberto abbate Fordensi Waltero capellano magistro W de Axam magistro Milone de Tornecumba Willelmo de Roca Roberto Russello de Buniel Rogero camerario Ricardo pincerna et aliis pluribus