Charter Document - 03150168
| Charter Number: | 03150168 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1188 |
| Date type: | Assigned |
| Resource Link(s): |
|
Charter:
Iohannes dei gratia episcopus Exoniensis dilectis in Cristo fratribus Martino priori Plimton ecclesie et canonicis ibidem deo servientibus salutem in domino Iusta desideria vestra promto debemus favore prosequi et ne super possessionibus vestris in posterum aliquo modo possitis perturbari vestre quieti et indempnitati sollicite providere Inde est quod ecclesiam beatorum apostolorum Petri et Pauli in qua divino mancipati estis obsequio sub Exoniensis ecclesie et nostra protectione suscepimus et possessiones omnes in ecclesiis terris et decimis quas pie memorie Willelmus et Robertus primus et Robertus secundus et Bartholomeus episcopi predeccesores nostri dederunt vel confirmaverunt concedimus et confirmamus In quibus has propriis nominibus duximus exprimendas ecclesiam de Landeho cum terris decimis libertatibus et omnibus pertinentiis suis ita ut decedentibus eiusdem ecclesie clericis prebende eorum in ecclesie vestre usus et vestros cedant et in civitate Exon domum et ortos Acellini archidiaconi que Willelmus episcopus emit et vobis in elemosinam dedit et domum quandam et terram que fuit Clarumball in vico australi et terram Lulcacumb quam Hugo de Saucei assensu Willelmi episcopi vobis dedit terram quoque de Stokeleia de Exoniensi episcopo tenendam ad quartam partem servicii unius militis et terram quam Ancatillus presbiter de Sancto Petro assensu B episcopi de feudo Exoniensis episcopi emit in australi platea Exon de heredibus Algari Bule et vobis dedit cum domo quadam quam idem A super eandem terram construxit ita quod pro memorata terra annuatim episcopo Exoniensi duos solidos per quatuor anni terminos persolvetis terram quoque quam emistis assensu B episcopi de Wimundo aurifabro et suis heredibus de qua etiam per annum quatuor denarios episcopo Exoniensi reddetis et ecclesiam sancte Marie de Sideham et ecclesiam de Avetona et ecclesiam de Uggaburg et ecclesiam de Dena et ecclesiam de Elstincton in Cornubia vero ecclesiam sancti Antonini martiris cum decimis terris libertatibus suis et omnibus pertinentiis suis ecclesiam quoque sancti Iusti martiris cum omnibus pertinentiis suis et ecclesiam de Lanhern et ecclesiam de Tamerton et ecclesiam de Bokelande Gwidonis ecclesiam de Stoches Nicholai de Pola et ecclesiam de Beritestowa et in Cornubia ecclesiam de Macra cum earundem omnibus pertinentiis salvo per omnia debito servitio predictarum ecclesiarum et iure dioecesani episcopi Et ut hec rata et inconcussa permaneant ne de cetero presumptione aliqua revocari possint in irritum scripti nostri auctoritate et sigilli nostri impressione confirmamus His testibus Galtero archidiacono Cornub Henrico Lond Galtero et Ricardo et Bernardo capellanis nostris magistro Reginaldo magistro Iohanne et Gilleberto Basset nepotibus nostris magistro Milone Roberto de London Hugone de Hillabona et plerisque aliis