Charter Document - 03150160
| Charter Number: | 03150160 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1188 - 1190 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Iohannes divina miseratione Exoniensis episcopus eternam in domino salutem Noverit universitas vestra nos monachis sancti Nicholai Exon commorantibus ecclesiam de Pinho cum pertinentiis suis quam rationabiliter possident pio caritatis et religionis intuitu ita confirmasse ut liceat eis ecclesiam in hospitalitatis usum convertere cum tale dictis monachis privilegium a summo pontifice sit indultum dummodo idoneum eligant capellanum qui in ea assensu episcopali ministret et ipsis monachis de temporalibus nobis vero et successoribus nostris de spiritualibus respondeat Et ut nostra confirmatio omni tempore rata et inconvulsa permanent ne de cetero vertatur in dubium aut alicuius temeraria presumptione revocari possit in irritum eam tam scripti quam sigilli nostri munimine corroborandum dignum duximus His testibus Iohanne archidiacono Exon Bernardo archidiacono Toton magistro Gregorio magistro Reginaldo magistro Ada de Taleton Gilberto Basseth magistro Milone Serlone de Peintone Gilberto Eborac Iohanne Lambrich Stephano de Foldam Henrico capellano et aliis