Charter Document - 03150150
| Charter Number: | 03150150 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1189 - 1190 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scripture pervenerit Iohannes dei gratia Exoniensis episcopus eternam in domino salutem Ad communem omnium notitiam volumus pervenire nos ad petitionem et presentationem dilecti filii nostri Roberti de Beketon persone ecclesie de Colinton dilectum filium nostrum magistrum Michaelem de Beketon nepotem ipsius R ad perpetuam vicariam ipsius ecclesie de Colinton recepisse ipsumque in ecclesia eadem perpetuum vicarium canonice instituisse sub annua pensione octo marcarum argenti memorato R prefate ecclesie persone singulis annis ad duos terminos perpetuo persolvenda in pascha videlicet quatuor marcas ad festum sancti Michaelis quatuor marcas Ut autem hec nostra concessio firma et inconvulsa perseveret eam presentis scripti attestatione et sigilli nostri appositione duximus roborandam Hiis testibus domino B Cantuariensi archiepiscopo Roberto abbate de Forde magistro Petro Blesum magistro Silvestro de Brudon magistro Radulfo de sancto Martino magistro W de sancta Fide magistro Reginaldo de Redmora fratre Iohanne de Forde Martino camerario W subcamerario et multis aliis