Charter Document - 03150146
| Charter Number: | 03150146 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1190 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quorum audientiam presens scriptum pervenerit Iohannes miseratione divina Exoniensis episcopus salutem eo qui est salus Universitatem vestram scire volumus nos cartam Henrici de Bemevile attrectasse et inspexisse Ex qua perpendimus iam dictum Henricum de Bernevile dedisse et concessisse et carta sua confirmasse deo et ecclesie sancti Iohannis evangeliste de Legh et canonicis ibidem deo servientibus pro anima sua et pro animabus amicorum suorum perpetuam elemosinam medietatem ecclesie de Hockeworthi et hoc petitione et assensu Rogeri fratris sui in eadem ecclesia tunc persone Unde ne hec donatio aliquatenus de cetero revocari posset in dubium carte nostre auctoritate et sigilli nostri inpressione confirmamus Hiis testibus Waltero archidiacono Cornub Thoma precentore magistro Henrico de Lond Waltero capellano magistro Reginaldo Iohanne persona magistro Milone Gilberto Basset Aluredo custode Roberto de Hanc et aliis