Charter Document - 03150144
| Charter Number: | 03150144 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1190 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit I divina miseratione dictus episcopus Exoniensis salutem in domino Noverit universitas vestra nos cartam predecessoris nostri bone memorie R de Cicestr quondam Exoniensis episcopi inspexisse ex cuius tenore accepimus iam dictum predecessorem nostrum concessisse et donasse Alurico filio Serici de Compton et heredibus suis quatuor ferlingos terre et quatuor acras terre per gabulum octo solidorum et per regalia servitia que ad easdem pertinent Nos autem quod a predecessore nostro laudabiliter actum est ratum et gratum habentes easdem terras cum augmento quatuor acrarum quas ei donavimus duas scilicet ex una parte gardini sui et alias duas ex alia parte eiusdem gardini iure hereditario tenendas pro octo solidis reddendis pro omni servitio memorato Alurico confirmamus Hiis testibus Gardino priore de Brunimore Galtero archidiacono Cornub Ricardo et Bernardo et Saverico capellanis magistro Reginaldo magistro Iohanne et Gilberto Basset nepotibus nostris magistro Milone Hugone de Hillabona Roberto London et aliis