Charter Document - 03140559

Memorandum quod cum contentiones et discordie suborte fuissent inter venerabiles patres Dominum Willelmum de Luda Elyensem Episcopum ex una parte et dominum Johannem de Sautre Abbatem de Rameseia ex altera super injuriis et transgressionibus hinc inde factis Et ad diem amoris tentum apud Wenelyngham die Sabbati proxima ante festum Sancti Marci Evangeliste anno regni regis Edwardi vicesimo secundo inter prefatos Episcopum et Abbatem propositis et discussis sic convenit pro bono pacis reformande quod leta de Walsokne in comitatu Norf[olcie] conjungatur et de tenentibus dictorum Episcopi Abbatis et Prioris de Lewis et per eorum senescallos conjunctim et in communi teneatur Ita scilicet quod secreta dicte lete cum vere dicto juratorum senescallo predicti Episcopi liberentur Qui quidem senescallus eadem secreta sociis suis senescallis ostendet et ea statim cum vere dicto cuilibet de tenentibus domini sui liberet Per que vere dicta et secreta proficuum dicte lete de tenentibus suis unusquisque capiat et obtineat Convenit etiam inter eosdem quod leta de Welle in eodem comitatu de cetero integre teneatur per senescallum Abbatis vel ejus ballivos presente ballivo Episcopi si venire voluerit sicut pacifice et plenius teneri consuevit usque ad quartum decimum annum regis Edwardi nunc die Sancti Thome Apostoli Et quod Episcopus habeat de tenentibus suis curiam suam extra hundredum de Clakkelose de omnibus placitis que in curia baronis possunt pla citari Convenit etiam inter eosdem ex concessione domini Episcopi quod dictus Abbas et tenentes sui de Wardeboys Upwode Ravelee Wistowe Broghton[e] et Byri habeant de cetero communam suam in Weremeremore pascendo bestias suas scilicet equos boves vaccas juvencas et bovettos tantum pacifice sine impedimento Concessum est insuper per predictum Abbatem quod predictus Episcopus et tenentes sui de sokna de Someresham habeant pacifice communam suam in Crowelodemor pascendo averia sua Et si averia sua ingrediantur prata predicti Abbatis et aliorum de Chateriz in predicto marisco non imporcentur nec idem Abbas aliquod parcum de cetero ibidem habeat Concessum est etiam ex utraque parte quod lada de Fenton[e] sit communis piscaria Episcopi et hominum suorum predicte sokne a ripa usque Drawth eo quod est in solo Episcopi Et quod totum residuum illius lade de Drawth usque magnam ripam sit communis piscaria Abbatis et hominum suorum eo quod est in solo ipsius Abbatis Concessum est etiam per predictum episcopum quod predictus Abbas et homines sui ex gratia speciali habeant passagium bestiarum ad mariscum de Hollode intrando et exeundo pro duobus solidis apud Someresham solvendis annuatim ad Pascha Concessum est etiam per predictum Abbatem quod lada que ducit de Niddingworth usque magnam ripam non fiat ita profunda quin bestie Episcopi et hominum suorum et aliorum communicantium possint transire ad pasturam suam versus Haliwell[e] et inde redire sine nocumento et gravamine Que quidem lada est communis piscaria omnium communicantium in eodem loco preter gurgitem que est piscaria Abbatis ad caput lade versus magnam ripam Et si ita contingat quod illa lada nimis profunda facta fuerit tunc per visum omnium communicantium ibidem emendetur Concessum est etiam per predictum Episcopum quod secta que exigebatur de Abbate de Rameseia apud Chateriz in comitatu Cantebrigie ad curiam de Ely et ad hundredum de Wichforde de tribus septimanis in tres septimanas de cetero fiat per duos tenentes Abbatis de Chateriz sicut antiquitus fieri consuevit Concessum est etiam per predictum Episcopum quod Abbas et homines sui de Chateriz sint quieti de reparatione calcete et Aldreheth pro duobus solidis singulis annis solvendis Episcopo vel ballivo suo de hundredo de Wycheford sicut in carta Galfridi quondam Elyensis Episcopi inde confecta continetur et per capitulum Elyense confirmatur Istud scriptum indentatur contra predictum Episcopum