Charter Document - 03131031
| Charter Number: | 03131031 |
|---|---|
| Cartulary Title: | The Coucher Book or Chartulary of Whalley Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1274 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rad[ulphus] filius Auicie de Bilyngton dedi concessi et hac presenti carta mea confirmaui Henrico filio Thome et heredibus suis pro homagio et seruicio suo totam terram meam in villa de Bilyngton iacentem infra diuisas incipientem ad fontem et sic sequendo usque ad Hethceller et sic del Hethceller usque infra siketum ex parte occidentali et sic sequendo illum siketum usque infra Bouderuydingclogh et sic sequendo le Bouderuydingclogh usque ad Sytheruydinggrene et sic sequendo metas que iacent inter Henr[icum] filium Thome de Bilyngton et Will[el]mum filium Auicie de eadem usque infra siketum et sic sequendo illum siketum usque ad fontem ubi prius cepimus Tenendam et habendam eidem Henr[ico] et heredibus suis de me et heredibus meis in feodo et hereditate libere quiete et integre cum omnibus pertinentijs suis libertatibus communis et aisiamentis et liberis consuetudinibus dicte ville pertinentibus ad terram prenominatam infra et extra Reddendo inde annuatim mihi et heredibus meis prefatus Henr[icus] et heredes sui unum par albarum cyrothecarum ad festum sancti Egidij pro omni seruicio seculari exactione vel demanda Et ego vero Rad[ulphus] et heredes mei predictam terram cum omnibus suis pertinentijs memorato Henr[ico] et heredibus suis contra omnes homines et feminas inperpetuum warantizabimus In huius rei testimonium presenti carte sigillum meum apposui Hijs testibus Gilberto de Clifton tunc senesc[allo] de Blakeburnschir Ada de Blakeburn Henr[ico] de Plesyngton et alijs
Source (click image below to view full size)
