Charter Document - 03120736
| Charter Number: | 03120736 |
|---|---|
| Cartulary Title: | The Coucher Book or Chartulary of Whalley Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1275 |
| Date type: | Assigned |
| Resource Link(s): |
|
Charter:
Uniuersis ad quos presens scriptum peruenerit Hugo filius Martini de Spotlond salutem Noueritis me concessisse et omnino quietum clamasse dominis meis Abbati et conuentui Loci Benedicti de Stanlawe et successoribus suis totam terram meam in villa de Spotlond que vocatur Coppedhurst et de feodo dictorum dominorum meorum esse dinoscitur Ita quod ego et heredes mei nichil de cetero a dictis dominis meis pro dicta terra cum pertinentijs suis exigere vel extorquere poterimus Preterea ego Hugo concessi dictis viris Religiosis et successoribus suis totum pratum meum in le Mosilegh quod habui de dono Ade filij Alani de Merland et totam partem prati infra le Mosilegh quam emi de Henr[ico] filio Johannis de Spotland Habenda dictis viris Religiosis et successoribus suis inperpetuum Reddendo inde annuatim heredibus dicti Ade duos denarios argenti in festo sancti Martini in hyeme et unum denarium heredibus dicti Henrici annuatim ad eundem terminum pro omnibus seruicijs rebus et demandis Et ego Hugo et heredes mei dictum pratum dictis viris religiosis et successoribus suis contra omnes inperpetuum warantizabimus In cuius rei testimonium sigilli mei impressio presentibus est appensa Hijs testibus Gilberto de Clifton tunc senesc[allo] de Blak[] Joh[anne] de Bosco tunc receptore dicti loci Joh[anne] de Eland Joh[anne] de Lascy Will[el]mo de Hopwod Will[el]mo de Salebury Nich[olao] de Berdeshull Ada fratre eius et alijs
Source (click image below to view full size)
