Charter Document - 03110542

Cum mota esset contentio super divisis inter Whiteby manerium Abbatis et conuentus Cestrie et Staneye manerium Abbatis et conuentus de Stanlawe super bruera inter dictam villam de Whiteby et diuisas inferioris ville de Staneye iacente inter dictos Abbatem et conuentum Cestrie per breue de rationabilibus diuisis petentes et dictos Abbatem et conuentum de Stanlawe defendentes tandem dicta contentio in crastino epiphanie anno regni regis Edw[ardi] sexto ad instantiam nobilis viri domini Henrici de Lascy comitis Linc[] et constab[ularii] Cestrie conquieuit in hunc modum videlicet quod dicti Abbas et conuentus Cestrie elegerunt sex liberos et legales homines de vicineto Cestrieshir scilicet dominum Patricium de Haselwall militem Philippum de Benuille Robertum de Pulle Will[el]mum de Brexen Will[el]mum de Bulkelegh et Ricardum de Mascy de Moreton et Abbas et conuentus de Stanlawe totidem elegerunt videlicet dominum Rogerum de Douneuille Alex[andrum] de Benuille Will[el]mum Lancel Bertramum de Meeles Gydropum de Millyngton Robertum de Brescy Qui quidem xij de expresso consensu partium elegerunt et associauerunt sibi tertium decimum scilicet Ricardum de Mascy tunc vic[] Cestrieshir qui omnes in presentia domini Guncelini de Badelesmere tunc Justiciarij Cestrie iurati dixerunt et per sacramentum suum recognouerunt quod recte diuise inter dicta maneria de Whiteby et de Staney in dicta bruera extendunt se ab antiquis diuisis inter campos arabiles dictorum maneriorum directe ex transuerso versus occidentem usque ad quandam viam communem que extendit se a villa de Whiteby versus Cestriam subtus Corhull quam quidem viam vocabant le Portway et sic sequendo illam viam per foueas per ipsos iuratos factas usque ad quendam siketum qui vocatur fflindale et sic sequendo fflindale usque ad diuisas Staneye superioris et Staneye inferioris Saluo dictis Abbati et conuentui Cestrie eorumque successoribus et eorum hominibus chymino competenti ab orientali parte ville de Whiteby hominibus et equis onustis absque bigis et plaustris quod prius habere solebant Quorum vero juratorum veredicto in presentia dicti Justiciarij et aliorum ibidem existentium publicato Idem justiciarius iudicialiter pronunciauit quod partes ipsas diuisas per ipsos iuratores tunc factas firmas imperpetuum habeant et stabiles Et cum post ipsas diuisas in forma predicta inter dicta maneria factas ijdem Abbas et conuentus de Stanlawe peterent communam pasture animalibus suis de Staneye et etiam turbariam in brueris de Sutton et de Whiteby versus predictos Abbatem et conuentum Cestrie tandem contemplatione predicti Comitis et aliorum amicorum communium interuentium inter partes ita conuenit videlicet quod dicti Abbas et conuentus Cestrie concesserunt pro se et successoribus suis quantum ad se pertinet quod antedicti Abbas et conuentus de Stanlawe et eorum successores habeant communam pasture animalibus suis de Staneye in dictis brueris scilicet a cornera noui fossati quod diuidit inter predicta maneria de Whiteby et de Staneye ascendendo directe versus duos dumos stantes in campo de Capenhurst versus Molynton prout fouee et fossata et signa de consensu partium in dictis brueris sunt facta usque ad diuisas inter Sutton et Capenhurst sine contradictione dictorum Abbatis et conuentus Cestrie vel eorum successores Ita quidem quod nec dicti Abbas et conuentus de Stanlawe nec eorum successores nec aliquis nomine eorum aliquid iuris vel clamei seu commune cuiuscunque ultra dictas foueas fossata vel signa versus dictas villas de Whiteby et de Sutton clamabunt exigent seu vendicabunt imperpetuum Concesserunt insuper predicti Abbas et conuentus Cestrie quod prefati Abbas et conuentus de Stanlawe et eorum successores habeant annuatim viginti nouem carratas turbarum in bruera de Whiteby et non plures per has diuisas scilicet a cornero dicti fossati inter Whiteby et Staneye pro diuisis facti linealiter usque ad veterem crucem super bruera de Sutton a foueis et signis inter dictum fossatum et crucem directe factis versus paruum Staneye et Cherleton fodiendorum sine impedimento sui vel successorum suorum Saluis tamen predictis Abbate et conuentu Cestrie eorumque successoribus dominio suo et omnimodis appropriamentis suis in eisdem brueris de Whiteby et de Sutton quandocunque sibi viderint expedire faciendis Ita tamen quod per nimia appropriamenta ipsorum dicti Abbas et conuentus de Stanlawe et eorum successores non impediantur quin habeant rationabilem pasturam in dictis brueris animalibus suis de Staneye sine superoneratione tamen infra predictas diuisas et prefatas xxix carratas turbarum in loco predicto fodiendarum Ac etiam saluis omnibus hominibus dictorum Abbatis et conuentus Cestrie turbarijs pasturis aisiamentis et omnibus alijs commoditatibus que in dictis brueris ubique ante confectionem presentis scripti habere solebant sine contradictione machinatione impedimento opere vel facto dictorum Abbatis et conuentus de Stanlawe vel eorum successorum imperpetuum In cuius rei testimonium presenti scripto in modum cyrographi de expresso consensu partium confecto partes alternatim sigilla sua fecerunt apponi et in rotulo qui vocatur Domesday procurauerunt irrotulari Hijs testibus predicto domino Guncelino tunc Justiciario Cestrie et xiij iuratis superius nominatis Ada de Chetewynd magistro Johanne de Stanlegh Johanne de Wetenhale Ada de Putington Hugone de Durham Will[el]mo Bernard Will[el]mo de Bunebury et alijs