Charter Document - 03110504
| Charter Number: | 03110504 |
|---|---|
| Cartulary Title: | The Coucher Book or Chartulary of Whalley Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1283 |
| Date type: | Assigned |
| Resource Link(s): |
|
Charter:
UNIUERSIS presens scriptum visuris vel audituris Will[el]mus Blundel filius Johannis Blundel salutem eternam in Domino Noueritis me concessisse et pro me et heredibus meis omnino quietuclamasse religiosis viris Abbati et conuentui Loci Benedicti de Stanlawe quandam terram siue quoddam pratum in marisco de Ynes iacens a parte meridionali iuxta terram quam Ricardus Blundel auus meus dictis viris religiosis contulit in elemosynam et circa quod frater Rogerus de Upton quondam grangiarius de Alte quoddam fossatum fecit Tenendam et habendam dictam terram siue dictum pratum cum pertinentijs dictis viris religiosis et successoribus suis in puram et perpetuam elemosynam imperpetuum nichil inde siue pro hac quietaclamatione mihi vel heredibus meis reddendo nisi preces et orationes Et ego Will[el]mus et heredes mei nichil iuris aut clamei in dicta terra siue dicto prato de cetero exigere aut habere poterimus sed illud idem contra omnes dictis viris religiosis et successoribus suis warantizabimus imperpetuum In cuius rei testimonium presenti scripto sigillum meum apposui Hijs testibus domino Will[el]mo le Botiler domino Roberto Banastre domino Henrico de Lee tunc vicecomite Lancastrie Alano le Norreys Ricardo de Molyneus Roberto de Molyneus Colyno Blundel Amarico de Thorneton Johanne de Gerstan et alijs
Source (click image below to view full size)
