Charter Document - 03110497
| Charter Number: | 03110497 |
|---|---|
| Cartulary Title: | The Coucher Book or Chartulary of Whalley Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1206 - 1207 |
| Date type: | Assigned |
| Resource Link(s): |
|
Charter:
SCIANT omnes tam presentes quam futuri quod ego Henricus filius Warini de Lonecastria dedi et concessi et presenti carta mea confirmaui Will[el]mo Blundel de Ynes et heredibus suis vel suis assignatis licentiam firmandi stagnum molendini sui super rivulum de Alte ex parte mea ubique voluerit ad maiorem suam utilitatem Sciendum est autem quod predictus Will[el]mus et heredes sui societatem mihi tenebunt ad piscariam anguillarum faciendam ubicunque magis expedierit Salua piscatione prenominato Will[el]mo et heredibus suis vel suis assignatis ad clusam molendini sui plenarie ante et retro sibi et heredibus suis vel suis assignatis Tenend[] de me et heredibus meis imperpetuum libere quiete integre et plenarie Reddendo inde annuatim mihi et heredibus meis quedam calcaria deaurata vel quatuor denarios ad natalem domini pro omni seruicio et demanda et seculari exactione Hanc autem donationem ego et heredes mei contra omnes homines prelibato Will[el]mo et heredibus suis vel suis assignatis imperpetuum warantizabimus Hijs testibus Ada filio Rogeri tunc temporis vicecomite Lancastrie Hugone de Moreton Henrico Trauers Henrico de Walton Roberto de Walton Rogero de Eynoledesdale Ricardo de Molyneus et Roberto fratre suo Ricardo Wallense et alijs
Source (click image below to view full size)
