Charter Document - 03110438

Nouerint uniuersi quod contentio mota esset inter fratrem Johannem Priorem beate Marie Lanc[] et eiusdem Loci com monachos ecclesiam parochialem de Pulton in proprios usus habentes super decimis garbarum prouenientium de terris quas tenentes abbatis et conuentus nunc de Whalleye quondam Loci Benedicti de Stanlawe excolebant et excolunt in campis de Steyninges Hordern et de Neuton infra parochiam dicte ecclesie de Pulton existentibus quas dicti prior et monachi ratione prefate ecclesie de Pulton ad se de iure communi asseruerunt pertinere ex parte una ac inter predictos Abbatem et conuentum nunc de Whalleye quondam Loci Benedicti de Stanlawe qui decimas predictas ratione cuiusdam concessionis perpetue dictorum prioris et monachorum et confirmationis Abbatis et conuentus beati Martini Sagij ac etiam confirmationis subsecute per Archidiaconum Richemundie loci ordinarium pretendebant ad illos legitime pertinere ex altera Tandem de consilio communium amicorum per ordinationem magistri Roberti de Pikeryng tunc temporis Officialis Ebor[] cui partes totaliter et expresse se submiserunt post multas altercationes predicta contentio sopita est in hunc modum Videlicet quod dicti Abbas et conuentus nunc de Whalleye quondam de Stanlawe percipient imperpetuum omnes decimas maiores prouenientes de quibuscunque terris suis tam nunc cultis quam in posterum ad culturam redigendis infra diuisas de Steyninges de Hordern et de Neuton supradicte ecclesie de Pulton decimalibus siue dicte terre infra diuisas predictas per eosdem Abbatem et conuentum siue per eorum tenentes integraliter excolantur siue pars earundem terrarum per iam dictos Abbatem et conuentum pars vero alia terrarum harum infra memoratas diuisas pertinentes excolatur De minoribus vero decimis vel personalibus et oblationibus quibuscunque tenentium eorundem Abbatis et conuentus infra dictas diuisas seu secularium seruientium suorum infra easdem diuisas ijdem Abbas et conuentus nichil omnino percipient sed omnes he decime minores et personales et oblationes quecunque dictorum tenentium et secularium seruientium ad supradictam ecclesiam de Pulton et ipsos Priorem et monachos vel vicarium ecclesie de Pulton ipsius nomine de cetero integraliter pertinebunt Quodque dicti Abbas et conuentus nunc de Whalleye quondam de Stanlawe pro predictis decimis maioribus ab eisdem ut premittitur percipiend[] memoratis priori et monachis Lancastrie vel suo certo attornato literam acquietantie deferenti in ecclesia parochiali de Pulton decem et octo marcas soluant annis singulis imperpetuum ad duos anni terminos videlicet nouem marcas ad festum sancti Martini in hyeme et nouem marcas ad Pentecosten Quam solutionem ijdem Abbas et conuentus loco et terminis predictis fideliter et absque fraude et cuiuslibet contradictionis diffugio facere teneantur sub pena unius marce fabrice ecclesie beati Petri Ebor[] prestande singulis vicibus quibus cessauerint in solutione antedicta Et si forsan per taxationem iam factam vel in posterum faciendam solutio aliqua vel contributio aut quicquam aliud quocunque nomine censeatur de bonis ecclesiasticis per quantitatem vel quot etatem qualemcunque de cetero exigatur imponatur aut per quemcunque superiorem seu clericum ali qualiter concedatur memorati Prior et monachi pro octo marcis tamen que de eis de nouo accrescunt et dicti Abbas et conuentus de residuo nomine decimarum maiorum et pro ipsis quas percipient infra diuisas predictas ut superius est expressum agnoscent et debita respondebunt toties quoties id fieri continget cum decem marce de xviij marcis predictis inter bona ipsorum Prioris et monachorum per taxationem iam factam in ecclesia de Pulton predictam taxata noscantur Ad hec si dicti Abbas et conuentus ratione sequestri in predictis decimis maioribus prioris et monachorum Lancastrie vel prioris per ordinarium forsan imponend[] dampnum aliquod sustinuerit vel iacturam dictusque Prior requisitus sufficienter hoc sequestrum infra mensem a tempore requisitionis relaxari minime procurauerit ex tunc dictis Abbati et conuentui de iactura et dampno hijs iuramento partis dictorum Abbatis et conuentus declarando toties quoties id contigerit ad dictum vel laudum Officialis curie Ebor[] qui pro tempore fuerit competenter satisfacere teneatur Si vero memorati Abbas et conuentus in solutione dictarum xviij marcarum suis loco et terminis prenotatis vel aliquo termino cessauerint ad solutionem dicte pecunie et nihilominus ad expensas et dampna que pars Prioris et monachorum ea occasione sustinuerit et iuramento partis sue declarauerit per Officialem predictum toties quoties cessare contigerit compellantur Et ut hec conuentio predicta in omnibus rata et inconcussa ex utraque parte permaneat dicti Prior et monachi de Lancastria pro se et successoribus suis ex consensu Abbatis et conuentus beati Martini de Sagio et predicti Abbas et conuentus nunc de Whalleye quondam de Stanlawe pro se et successoribus suis huic scripto in modo cyrographi confecto sigilla sua alternatim apposuerunt Renunciantes utrique per sacramenta ab utraque parte corporaliter prestita omnibus processibus super premissis vel aliquibus premissorum hinc iude habitis necnon omnibus exceptionibus defensionibus cauillationibus appellationibus supplicationibus interpositis vel interponendis et specialiter omni restitutioni in integrum et iuri si quod sit quo cauetur non posse restitutioni in integrum renunciari Ac etiam literis impetratis vel impetrandis in quacunque curia ecclesiastica vel seculari omnique alij iuris remedio per que forsan posset vel possent aliquis vel aliqui predictorum contra ea vel eorum aliquod que superius sunt expressa quouis modo venire Dat[] apud Lanc[] viij kal[e]n[] Martij anno domini mcc nonagesimo octauo