Charter Document - 03110431

In Dei nomine Amen Uniuersis tenore presentium innotescat quod cum inter nos priorem et monachos beate Marie Lancastrie ecclesiam parochialem de Pulton in nostros proprios usus habentes super decimis garbarum prouenientium de terris quas tenentes Abbatis et Conuentus tunc de Whalleye quondam Loci Benedicti de Stanlawe excolebant et excolunt in campis de Steyninges de Hordern et de Neuton infra parochiam dicte ecclesie existentibus quas ad nos Priorem et monachos predictos ratione prefate ecclesie de Pulton de iure communi asserimus pertinere ex parte una ac inter nos Abbatem et Conuentum nunc de Whalleye quondam Loci Benedicti de Stanlawe qui decimas predictas ratione cuiusdam concessionis perpetue dictorum Prioris et monachorum et confirmationis Abbatis et Conuentus beati Martini Sagiensis et etiam confirmationis subsecute per Archidiaconum Richemundie loci ordinarium pretendebamus ad nos legitime pertinere ex altera primo coram offic[] domini Archidiaconi Richemundie et postmodo coram domino offic[] Curie Eboracensis causa eadem ab audientia predicti officialis Richemundie ad Ebor[] curiam legitime deuoluta questio fuisset mota et per quam pluries annos cum meditationibus auxilijs fatigationibus laboriosis ac grandibus expensarum oneribus ventilata tandem de consilio communium amicorum nostrorum ad ipsum qui auctor est pacis et amatorum ut animarum nostrarum precaueatur periculis et vitentur litium amfractus recursum proinde habentes necnon ad delectabile bonum pacis et quietis peruenire optantes super dictis decimis garbarum et omnibus alijs prouenientibus et prouenturis de quibuscunque terris videlicet predictorum Abbatis et Conuentus nunc de Whalleye quondam Loci Benedicti de Stanlawe infra diuisas de Steyninges de Hordern et de Neuton memorate ecclesie de Pulton decimalibus tam nunc cultis quam redigendis in posterum ad culturam necnon super dampnis et expensis habitis ut permittitur hinc inde et factis ex certa scientia totaliter specialiter expresse concorditer et bona fide et sine aliquo scrupulo alte et basse pure et absolute reali ordinationi arbitratum diffinitioni amicabili compositioni decreto statuto dicto precepto et laudo domini Offic[] Curie Ebor[] de expresso consensu nostro spontaneo non vi non dolo nec metu inducti Nos Prior tam nomine nostro quam procuratorio pro Abbate et Conuentu sancti Martini Sagij Nosque monachi Lancastrie atque nos Abbas et Conuentus nunc de Whalleye quondam Loci Benedicti de Stanlawe predicti pro nobis et successoribus nostris uniuersis et singulis ac pro iure et utilitate ecclesie de Pulton et monasteriorum nostrorum tenore presentium supponimus nos submittimus et subjicimus Ita quod liceat eidem duo officiali estimanti apud se iura nostra et scrutanti nihilominus vota nostra in omnibus predictis et circa ea necnon quibuscunque alijs tangentibus predicta de plano absque strepitis iudicij alte et basse realiter ordinare arbitrari diffinire vel amicabiliter componere decernere statuere laudare dicere percipere reseruare compellere et exsequi per omnia sicut ad pacem et quietem nostram et successorum nostrorum utramque perpetuam illibatam firmam et stabilem iustius aut equius honestius aut securius putauerit faciend[] Cuius ordinationem realem arbitratum diffinitionem vel amicabilem compositionem decretum aut statutum seu dictum laudum vel preceptum quodcunque tam contra nos et successores nostros quam pro nobis et successoribus nostris hinc inde in omnibus et singulis supradictis Nos Prior et Abbas personaliter per nos Nosque monachi beate Marie Lancastrie per Michaelem de Kendal et nos Conuentus nunc de Whalleye quondam Loci Benedicti de Stanlawe per fratrem Omfredum Com monachum nostrum procuratores nostros ad iurand[] in animas nostras speciale mandatum habentes iuramentis corporalibus tactis sacro sanctis euangelijs prestitis pro nobis et successoribus nostris uniuersis et singulis promittimus fideliter obseruare et imperpetuum adimplere Renunciantes specialiter et expresse per sacra predicta omnibus processibus super premissis vel aliquibus premissorum hinc inde habitis necnon omnibus exceptionibus defensionibus cauillationibus appellationibus supplicationibus interpositis vel interponendis specialiter omni restitutioni in integrum et iuri si quod sit quo cauetur non posse restitutioni in integrum renunciari Ac etiam literis impetratis vel impetrandis in maiori forma vel minori que communiter nominantur ea que de bonis et etiam recisioni contractus et suppletioni ratione deceptionis ultra dimidium iusti precij necnon omnibus alijs impetratis vel impetrandis in quacunque curia ecclesiastica vel seculari omnique alij iuris remedio per quam forsan posset vel possent aliquis vel aliqui nostrum contra ea vel eorum aliquod que dictus dominus Officialis duxerit realiter ordinand[] arbitrand[] diffiniend[] decernend[] vel amicabiliter componend[] statuend[] dicend[] vel laudand[] percipiend[] compellend[] vel exequend[] super predictis de iure communi vel speciali quouis modo venire In quorum omnium testimonium nos Prior pro nobis et monachis nostris ac nos Abbas pro nobis et conuentu nostro presentibus nostra fecimus appendi sigilla et ad fidem pleniorem sigillum officialitatis curie Eboracensis procurauimus apponi Data Ebor[] vij Idus Nouembr[] anno gratia mcc nonag[esimo] octauo