Charter Document - 03110425
| Charter Number: | 03110425 |
|---|---|
| Cartulary Title: | The Coucher Book or Chartulary of Whalley Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1253 - 1256 |
| Date type: | Assigned |
| Resource Link(s): |
|
Charter:
Omnibus hoc scriptum visuris vel audituris frater W de Reio dictus Prior Lancastrie eternam in domino salutem Nouerit uniuersitas vestra nos communi assensu et consensu monachorum nostrorum concessisse Abbati et conuentui Loci Benedicti de Stanlawe omnes decimas garbarum infra diuisas de Steyninges et de Hordern percipiendas per x marcis argenti annuatim nobis et ecclesie nostre apud Lancastria a predictis Abbate et conuentu de Stanlawe ad duos anni terminos inperpetuum persoluendis videlicet quinque marce ad festum sancti Martini in hyeme et quinque marce ad Pentecosten persoluentur Saluis nobis et successoribus nostris omnibus decimis omnium tenentium predictorum Abbatis et conuentus et etiam eorum secularium seruientium ad altaragium ecclesie nostre de Pulton spectantibus Si autem contingat dictos Abbatem et conuentum de Stanlawe ad aliquem terminum in posterum in solutione deficere vice qualibet dimidia marca nomine pene fabrice ecclesie sancti Petri Ebor persoluent Ad hec vero firmiter et plenaria obseruanda subiecerunt se predicti Abbas et conuentus de Stanlawe potestati et iurisdictioni domini Archidiaconi Richemunde qui pro tempore fuerit ut eos poterit sine strepitu iudiciali et iuris ordine non obseruato tam ad debitum principale quam ad penam commissam auctoritate sua compellere Et insuper renunciauerunt omni iuris auxilio canonici et ciuilis priuilegio clericatus et fori consuetudini et statuto actionibus de dolo et infactum et etiam exceptioni non numerate atque non tradite sibi pecunie et maxime regie prohibitioni et omnibus priuilegijs impetratis et impetrandis et omnibus alijs exceptionibus que poterunt obiti contra instrumentum vel factum In cuius rei testimonium altera pars alterius scripto in modo cyrographi inter eos confecto sigillum suum apposuit