Charter Document - 03086031
| Charter Number: | 03086031 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1227 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Sancte Matris Ecclesie filiis ad quos presens scriptum pervenerit Lucas Sancte Marie Sarum canonicus salutem in Domino Noverit universitas vestra me caritatis intuitu concessisse quantum ad me pertinet Ricardo capellano de Bleburie omnes obventiones altarium ecclesie de Bleburie et capellarum de Optun et Eston et omne legatum preter illud quod specialiter ecclesie fuerit legatum et omnes minutas decimas ad eas pertinentes videlicet lanam agnos caseum et omnes alias minutas decimas de animalibus provenientes percipiendas et habendas omnibus diebus vite sue exceptis decimis trium domorum quas excipio scilicet omnes decimas de domo d[omi]ni abbatis de Rading Andree Basset Osberti Turpin et excepto omni genere bladorum et leguminum et feno quod similiter excipio Concedo etiam eidem Ricardo illam domum cum curtilagio quam Gerardus capellanus aliquando habuit juxta cimiterium Debet autem dictus R invenire secum unum capellanum ad deserviendum dicte ecclesie et capellis et omnia onera tam ecclesie quam capellarum sustinere Hanc autem concessionem sigilli mei munimine roboravi
Source (click image below to view full size)
