Charter Document - 03070849
| Charter Number: | 03070849 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1305 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presentes literas v[isuris] vel a[udituris] Traharn ap Res de Tyriarth salutem in Domino Noverit universitas vestra me quondam habuisse de abbate de Margan et ejusdem loci conventu quandam literam relaxacionis viginti solidorum annui redditus de terra quam teneo de dictis abbate et conventu in feodo de Novo Castro quam quidem terram Johannes Mynot quondam tenuit set a die confectionis presentium et inposterum volo pro me et heredibus meis sive assignatis quod predicta litera sicubi inventa fuerit ad cujuscumque manus pervenerit irrita penitus sit et inanis nec robur aut firmitatem aliquam optineat inperpetuum fateor etiam me decetero obligari et teneri ad solucionem plenariam annui redditus dictis abbati et conventui faciendam annuatim prout Johannes Mynot qui eandem terram ante me tenuit quondam facere consuevit Et ut omnia prescripta rata sint et inconcussa sigillum meum presentibus apposui Et ad majorem securitatem sigilla etiam subscriptorum apponi procuravi scilicet Leysani ap Morgan domini de Avene Ricardi Syward et Roberti de Cantelo Datum apud Margan die beati Ambrosii episcopi et confessoris anno domini millesimo trecentesimo quinto
Source (click image below to view full size)
