Charter Document - 03070845
| Charter Number: | 03070845 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1305 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quo ego Nicholaus filius Simonis Gentil de Coytif dedi concessi et presenti carta mea confirmavi Waltero filio Alani de Lanblethyan decem acras terre arabilis et dimidiam acram prati cum omnibus suis pertinenciis libero tenemento meo in feodo de Lanblethyan quarum vero quinque acre jacent simul inter terram Johannis Sandre ex parte occidentali et terram quam Willelmus Doleman quondam tenuit ex parte orientali cuius unum caput se tendit versus austrum usque ad terram Johannis le Moy Willelmi Puce Adam le Machon et terram quam Willelmus Doleman quondam tenuit et reliquum caput se tendit versus borialem usque ad terram Willelmi Long Et quinque vero acre simul jacent inter terram quam Johannes filius Roberti Brit quondam tenuit ex parte orientali et eciam ex parte occidentali Cujus unum caput se tendit versus austrum usque ad terram quam dictus Johannes filius Roberti quondam tenuit et reliquum caput se tendit versus borialem usque ad terram Ricardi Ryvan Thome Randolf Wasmeir Ryvan et terram quam Johannes prepositus de Coubrigge quondam tenuit Et dimidia acra prati jacet inter pratum domini de Penlyn ex parte boriali et pratum Johannis le Moy ex parte australi et eciam inter pratum Johannis Sandre ex parte orientali et pratum quod Robertus Herbyn quondam tenuit ex parte occidentali Habendum et tenendum totam predictam terram et pratum cum omnibus suis pertinenciis de capitali domino ejusdem feodi qui pro tempore fuerit predicto Waltero et heredibus suis vel assignatis libere quiete integre bene et in pace jure hereditario imperpetuum Reddendo inde annuatim heredibus dicti Johannis filii Roberti Brit dictus Walterus filius Alani et heredes sui vel assignati unum denarium argenti vel unum par albarum cirothecarum ad festum Sancti Michaelis pro omnibus serviciis heriettis wardis relieviis sectis curie auxiliis tallagiis et omnibus aliis secularibus demandis ad dictam terram spectantibus Pro hac autem donacione concessione et presentis carte mee confirmacione dedit mihi predictus Walterus filius Alani quinque marcas et dimidiam sterlingorum premanibus Et ego vero dictus Nicholaus Gentil et heredes mei vel assignati totam predictam terram et pratum cum omnibus suis pertinenciis ut prescriptum est contra omnes mortales warantizare acquietare et defendere debemus imperpetuum Et ut hec mea donacio concessio et presentis carte mee confirmacio rata stabilis et inconcussa permaneat in eternum hanc presentem cartam sigilli mei impressione roboravi et confirmavi Hiis testibus Thoma Basset Willelmo le Prior Johanne Longo Ricardo le Nerberd Johanne Conyan et multis aliis Datum apud Lanblethyan die Dominica proxima ante festum Sancti Petri de cathedra anno gracie MCCC quinto
Source (click image below to view full size)
