Charter Document - 03070787
| Charter Number: | 03070787 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1293 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus ad quos presens scriptum pervenerit Willelmus de Cornely filius et heres Rogeri de Cornely salutem in domino sempiternam Noverit universitas vestra me concessisse et confirmasse Deo et ecclesie Sancte Marie de Neth et monachis ibidem Deo servientibus duas acras terre arabilis in feudo de Cornely quas pater meus pro victu et vestitu illis dedit et concessit per bundas et divisas secundum quod carta patris mei testatur Insuper do et concedo prenominatis monachis intuitu caritatis et pietatis terciam acram terre arabilis liberam et quietam ab omni servitio seculari exaccione et demanda in puram et perpetuam elemosinam et relaxacionem triuim denariorum annui redditus quos dicti monachi pro duabus acris prenominatis mihi et heredibus meis in festo Pasche solvere tenebantur que jacet inter terram Johannis Adam et terram Willelmi Kyng et extendit se a terra que vocatur Betynges ex parte boriali usque ad terram predicti Willelmi Kyng ex parte australi Quia bene et honorifice exhibuerunt patri meo in victu et vestitu competenti quoad vixerat Et ego dictus Willelmus et heredes mei vel assignati dictas tres acras cum pertinenciis suis dictis monachis warentizabimus acquietabimus et defendemus imperpetuum contra omnes homines et feminas Quod si processu temporis ego vel heredes mei seu assignati dictas tres acras terre dictis monachis de Neth warentizare non possumus tunc sine ulteriori dilacione solvemus eisdem monachis decem marcas sterlingorum secundum tenorem carte patris mei ad quod fideliter et sine dolo faciendum subpono meipsum et heredes meos et assignatos jurisdiccioni et cohercioni cujuscumque judicis ecclesiastici vel civilis quem vel quos contra me vel heredes meos seu assignatos dicti monachi adire voluerint si in solucione dicte pecunie defecerint Ita quod possint me et heredes meos et assignatos per censuram ecclesiasticam vel civilem sine strepitu judiciali et cause cognicione compellere ad plenam solucionem dictarum decem marcarum sicut predictum est et etiam expensarum a dictis monachis in lite factarum In cujus rei testimonium presens scriptum sigilli mei impressione roboravi Hiis testibus Johanne de Creppynge tunc vicecomite Mauricio de Cornely Johanne Lovel Petro Baudeyn Willelmo Terry et multis aliis Datum anno gracie MCC Nonogesimo tercio in festo Pentecosten
Source (click image below to view full size)
