Charter Document - 03070765
| Charter Number: | 03070765 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Annexation |
| Date: | 1290 |
| Date type: | Internal, A.D., Feast, Regnal |
| Resource Link(s): |
|
Charter:
Universis Sancte matris ecclesie filiis presens scriptum visuris vel audituris Thomas permissione divina Menevensis episcopus et ejusdem loci capitulum salutem in Domino sempiternam Ad memoriam jugiter reducentes et jugi revolucione ac deliberacione provida ponderantes paupertatem et maximam egestatem ecclesie collegiate de Lankadok adeo quod propter exilitatem et penuriam ipsius non habeat receptaculum in quo senes vel orphani pauperes vel peregrini imbecilles vel languidi advene vel transeuntes valeant hospitari vel eis de die seu nocte possit aliqualiter subveniri seu in quo caritatis opera exerceantur ecclesiam de Langavelach in Goheria nostre dioceseos decanatui predicte ecclesie collegiate de Langadok de consensu et assensu magnifici principis Domini Edwardi Regis Anglie illustris duximus assignandam seu potius annectendam Ita quod ipsam ecclesiam de Langavelach in Goheria memoratam decanatui assignatam ut premisimus et annexam in proprios usus imposterum licite valeat retinere In testimonium cujus rei sigilla nostra presentibus duximus apponenda Et impressionem sigilli Domini nostri Regis predicti similiter hiis appendi procuravimus Datum apud Westmonasterium In festo ascentionis Domini anno Domini millesimo cc nonagesimo et anno regni Domini Regis predicte decimo octavo
Source (click image below to view full size)
