Charter Document - 03070762
| Charter Number: | 03070762 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1290 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Willelmus de Daldene dedi concessi et hac presenti carta mea confirmavi Waltero de Quercu et Agnete uxori sue unam placeam vacuam in burgo de Kaerdif que quidem placea jacet inter burgagium tunc Willelmi Marescalli in parte occidentali et burgagium tunc Johannis Lude in parte orientali et extendit se in longitudine a burgagio tunc Johannis Odyn in parte australi usque ad regalem viam in parte boreali Habendum et tenendum predictam placeam cum suis pertinenciis predictis Waltero Quercu et Agnete uxori sue et heredibus dicti Walteri sive assignatis de domino feodi illius per redditus et servicia inde debita et consueta libere quiete integre bene pacifice et jure hereditario imperpetuum Reddendo eciam inde annuatim michi et heredibus meis vel assignatis tres solidos argenti ad quatuor anni terminos principales equis porcionibus pro omnibus secularibus serviciis et demandis que de terris exeunt vel exigi poterunt Et ego predictus W de Daldene et heredes mei predictam placeam cum pertinenciis predictis Waltero de Quercu et Agnete uxori sue et heredibus dicti Walteri sive assignatis contra omnes gentes warantizabimus et imperpetuum defendemus In cuius rei testimonium huic presenti carte sigillum meum apposui Hiis testibus Johanne Odyn Rogero de Poleter tunc prepositis burgi de Kaerdiff Johanne de Raath Thoma Longo Thomes Aleyn Ricardo Elys Ricardo de Canetone et multis aliis Datum apud Kaerdiff die Lune proxima post festum beati Theliai Episcopi et Confessoris anno regni Regis Edwardi decimo octavo
Source (click image below to view full size)
