Charter Document - 03070723

Hec est conventio facta inter Rogerum dictum Le Hastare de Kenefeg ex parte una et abbatem et conventum de Margan ex altera videlicet quod dictus Rogerus le Hastare consilio et libera voluntate Alicie uxoris sue anno ab incarnacione Domini MCC septuagesimo sexto Die Dominica infra octabas Epiphanie invadiavit duas acras terre sue arabilis quas cum predicta Alicia uxore sua accepit domino abbati et conventui de Margan per spacium quadraginta annorum proximo sequentium pro quinquaginta solidis bonorum et legalium sterlingorum quos ab eisdem ad urgentissimam necessitatem tam suam quam predicte Alicie uxoris sue accepit quando dictas duas acras illis invadiavit Que simul jacent inter terram que est Mauricii Gramus ex parte orientali in latitudine et terram predictorum monachorum de Margan et in longitudine incipiunt a Goylake et extendunt se ad viam regalem que vadit de Kenefeg ad moram communem Ita quod post predictum spacium quadraginta annorum si ipse predictus Rogerus vel aliquis heredum predicte Alicie uxoris sue de dicta pecunia plene satisfecerit eisdem predictis monachis dictas duas acras pacifice recipiat Quamdiu vero dictas duas acras predicti monachi tenuerint pro omni servicio exactione et seculari demanda duos denarios pro predictis duabus acris Mauricio Gramus persolvent ad festum Sancti Michaelis et dicto Rogero vel heredibus Alicie predicte uxoris sue eodem termino sex denarios etiam annis singulis In cujus rei testimonium huic scripto in modum cyrographi facto sua sigilla alternatim apposuerunt Hiis testibus Hugone vicario de Kenefeg Roberto presbitero ejus Ad[a] Harding Ad[a] Waremoth Lewelino scissore Ricardo le Orman et multis aliis