Charter Document - 03070701
| Charter Number: | 03070701 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1272 |
| Date type: | Internal, Calendar, Regnal |
| Resource Link(s): |
|
Charter:
Sciant tam presentes quam futuri quod ego Stephanus de Sancto Hylario dedi et concessi et hac presenti carta mea confirmavi Mylony de Reynny tres acras terre arabilis quas habui in feodo de Landoch infra culturam que vocatur Langetone que jacent inter viam regalem que ducit versus Pennard et terram dicti Mylonis pro duabus marcis et dimidia esterlingorum mihi in urgenti negotio meo premanibus persolutis Habendam et tenendam sibi et heredibus suis vel suis assignatis de me et heredibus meis libere et quiete integre et bene in pace et honorifice in omnibus locis cum omnibus aisiamentis libertatibus et liberis consuetudinibus dicte terre pertinentibus vel pertinere potentibus absque ullo mei vel heredum [meorum] retenemento Reddendo inde annuatim de se et heredibus suis vel suis assignatis domino capitali qui pro tempore fuerit novem denarios ad duos anni terminos videlicet ad festum beati Michaelis quatuor denarios et obolum et ad festum nativitatis beati Johannis Baptiste quatuor denarios et obolum pro omni servicio exactione et demanda Et ego Stephanus de Sancto Hylario et heredes mei dictas tres acras terre arabilis cum omnibus suis pertinenciis prout prenominatum est dicto Mylony et heredibus suis vel suis assignatis contra omnes homines et feminas inperpetuum warantizabimus acquietabimus et defendemus Et ut hec mea donacio et concessio rata sit et firma presenti carte sigilli mei inpressionem duxi apponendam His testibus Waltero de Reyngny Philippo Payn Philippo Zurgod Alexandro filio Mauricii Willelmo Peytov Roberto Flemis Howel Zurgod et aliis Datum apud Kardif octavo die mensis Junii anno regni Regis Henrici filii Johannis Regis quinquagesimo sexto
Source (click image below to view full size)
