Charter Document - 03070633
| Charter Number: | 03070633 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1166 - 1193 |
| Date type: | Assigned |
| Resource Link(s): |
National Library of Wales - Penrice and Margam Deeds 17 |
Charter:
Sciant omnes tam presentes quam futuri quod ego Ketherech filius Johannis Du dedi et concessi et divisi et ultimo testamento delegavi pro salute anime mee et antecessorum meorum et successorum consilio et consensu conjugis mee et amicorum et parentum Deo et Beate Marie et monachis de Margan xv acras terre de libero tenemento meo in terra que vocatur terra Peitevin preter illas v quas illis ibidem dedi habendas in vita mea et post mortem in perpetuum Ut habeant has xv cum v aliis hoc est simul xx et possideant post obitum meum libere et quiete et pacifice in puram et perpetuam elemosinam ab omni servitio et seculari exactione immunem Ita ut si aliquod etiam servicium sive domini Regis sive aliud fuerit inde aliquando requisitum successores mei et heredes de reliqua terra sua illud facient ut monachi sint ab omnibus rebus in perpetuum quieti Et sciendum quod iste xv acre conjuncte erunt et continuate v aliis que sunt ad australem partem magne vie que vadit de Kenefec versus Kardif per villam Walteri Lupelli conjuncte et proxime ipsi vie incipientes scilicet contra angulum prati ipsius Walteri quod est ex altera parte vie versus aquilonem Et quia ego sigillum non habui sigillo Prioris de Oweni hanc presentis donationis mee et divise cartam consignare feci Teste Willelmo Killemichael Eniawo filio Richered Breuel Ketherech filio Caradoci du Grifino filio Keneithur ab Herebert cognatis meis et nepotibus qui omnes juraverunt super sacras reliquias ecclesie de Margan unacum Tanguistell conjuge mea se observaturos et operam et auxilium secundum posse suum exhibituros divisam meam et donum sicut hic continetur inviolabiliter et firmiter observari Testibus Conano tunc abbate de Margan Jacobo priore Rogero cellarario Willelmo portario Godefrido Monacho Jordano converso Rogero converso Hospitali et Gregorio Johanne magistro grangie Aithano clerico Robino famulo Hospitii Ithello filio Ruwel