Charter Document - 03070545
| Charter Number: | 03070545 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0650 - 0700 |
| Date type: | Assigned |
| Resource Link(s): |
National Library of Wales - Liber Landavensis (p150 f71v) |
Charter:
Mouricus Rex et Cynuetu convenerunt insimul Landavie et presente Oudoceo episcopo juraverunt ante positis reliquiis sanctorum ut firmam pacem inter se tenerent Facta juratione post intervallum occidit Rex Mouricus dolo Cynuetu et postea episcopus Oudoceus convocavit omnes clericis suos ab hostio Taratyr yn Guy usque ad Tyui cum tribus abbatibus suis Concen abbate Carbane vallis Catgen abbate Ilduti Sulgen abbate Docguinni et plena synodo excommunicavit regem Mouricum propter homicidium ab eo perpetratum et propter pactum factum presentia sui et super altare Petri apostoli et sanctorum Dubricii et Teliaui transgressum et ita inclinando cruces ad terram simul et patriam dimisit sine baptismo et communione Christiana maledixit regem cum progenie confirmante synodo et dicente fiant dies ejus pauci et fiant filii ejus orphani et uxor ejus vidua Et remansit Rex cum tota regione sua spatio duorum annorum et eo amplius sub eadem excommunicatione Post hoc Rex non potuit tam diu durantem excommunicationem tantam amplius sustinere videns perditionem anime sue et dampnationem regni veniam requisivit apud sanctum Oudoceum Landavie et effusis lacrimis cum inclinato capite et coram tribus abbatibus Oudoceus episcopus imposuit ei jugum penitentie ad modum qualitatis et quantitatis commendans ei ut tribus modis emendaret apud Deum et ecclesiam Landavie videlicet jejunis et oratione et elemosinis Rex Mouricus accepto jugo penitentie dedit quatuor villas pro redemptione anime sue et pro anima Cynuetu ecclesie Landavie et in manu Oudocei episcopi et omnibus suis successoribus cum tota sua libertate et ab omni servitio liberas in perpetuo et cum tota communione per patriam suam manentibus in his terris in campo et in silva in pascuis et in aqua i Riu Graenauc ii Nantauan iii est in qua occisus est Cynuetu ultra Nadauan iiii trans Nadauan ubi filius regius mactatus est A palude Elleti usque Nadauan id est villa Gurberth de illis quatuor xxiii modii terrarum De clericis testes sunt Oudoceus episcopus Concen abbas Carbani vallis Catgen abbas Ilduti Sulgen abbas Docuinni Conbran Sedoc Cynur Cetcu Lyggessauc Gunguare De laicis Mouric Rex cum filio suo Frioc et nepote Morcant filio Athruis Cunblus Briauail Gendic Guedgen Guengarth Qui custodierit custodiat illum Deus Qui autem separaverit ab ecclesia Landavie anathema sit Finis Riugraenauc a Nadauan ducente fossa per longitudinem sursum ad rufum lacum in trivio montis