Charter Document - 03069472
| Charter Number: | 03069472 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1213 - 1218 |
| Date type: | Assigned |
| Resource Link(s): |
Reference Document for this Embedded Document National Library of Wales - Penrice and Margam Deeds 137 |
Charter:
Universis sancte matris ecclesie filiis ad quos presens scriptum pervenerit H[enrici] Dei gratia Landavensis episcopus salutem gratiam Dei et benedictionem Justis petencium desideriis animo nos decet benigno condescendere et ea effectu debito complere Inde est quod nos paci et utilitati tam domus de Teukesbiria quam domus de Margan in posterum providentes Concessimus domui de Margan omnes proprias decimas suas in parochia de Kenefeg necnon et omnes garbarum decimas que pertinent ad ecclesiam de Kenefeg et ad omnes capellas ejusdem ecclesie in perpetuum possidendas Concessimus insuper prefate domui de Margan omnes terras ad dictam ecclesiam et ad predictas capellas pertinentes in perpetuum possidendas Reddendo inde annuatim domui de Teukesbiria decem marcas in capitulo de Teukesbiria Et domus de Teukesbirie retinuit in manu sua curam de spiritualibus altaragium et jus presentandi vicarium in eandem ecclesiam et omnia ad dictam ecclesiam pertinencia preter prefatas terras et decimas Domus autem de Teukesbiria per se vel per vicarium suum nobis et successoribus nostris pro sinodalibus et ceteris universis ad jus episcopale pertinentibus respondebit Et ne hec nostra perpetua confirmatio malignancium improbitate possit infringi vel decursu magno temporis in dubium devocari eam presenti scripto munimus et sigilli nostri appositione roboramus Hiis testibus Wrgano archidiacono Landavensi magistro Mauricio filio ejus magistro Waltero capellano domini episcopi magistro Radulfo Mailoc Nicholao thesaurario Landavensi