Charter Document - 03060606
| Charter Number: | 03060606 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Pledge |
| Date: | 1261 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus presentibus et futuris ad quos presens scriptum pervenerit Robertus Russel de Penuey filius Mileth eternam in Domino salutem Noveritis me anno Domini MCC sexagesimo primo circa festum Sancti Ambrosii invadiasse domino abbati et conventui de Margan duas acras terre mee cum pertinentiis que jacent inter pendentem gravam ex parte aquilonari Et viam que tendit de Ewenny versus Langunith in parte australi Et insuper duas acras et dimidiam prati mei cum pertinentiis que jacent subtus predictam viam ex parte aquilonari Et terram predictorum abbatis et conventus in parte australi per spacium quadraginta annorum sequencium pro sexaginta solidis sterlingorum quos ad urgentissimam necessitatem meam ab eisdem in legali moneta percepi una cum undecim solidis et octo denariis quos pro redditu prelimitate terre per spacium dictorum quadraginta annorum ab ipsis pre manibus accepi ad urgentissimam necessitatem meam Et ego et heredes mei predictam terram predictis viris religiosis per dictam spacium quadraginta annorum et ultra donec predictam pecuniam sexaginta solidorum receperint liberam et quietam ab omni exactione et demanda et servicio seculari contra omnes homines warantizabimus Et si dictam terram dictis viris religiosis warantizare non potero ego vel heredes mei de alia terra mea competenti dictis viris satisfaciemus In cujus rei testimonium presenti scripto sigillum meam apposui Hiis testibus Kenewrech ab Jhago Philippo filio Willelmi ab Wronu Radulfo filio Wronu Petro fratre ipsius Radulfi Adam ab Elioth et aliis
Source (click image below to view full size)
