Charter Document - 03060592

Omnibus Christi f[idelibus] a[d] q[uos] p[resens] s[criptum] p[ervenerit] innotescat Quod hec est conventio facta inter dominum abbatem et conventum de Margan ex parte una et Philippum de Cornely ex parte altera videlicet quod dicti abbas et conventus concesserunt prenominato Philippo et heredibus suis perpetuo habendam totam terram suam pertinentem ad sanctuariam capelle de Corneli Que quidem terra jacet ex parte meridionali juxta terram Walteri filiis Anselmi et extenditur in longitudine usque ad locum quo dicitur duodecim acre pro perpetua excambia terre predicti Philippi que jacet juxta terram dictorum abbatis et conventus de Margan Et incipit a terra que dicitur Tangestellond et extendit in longitudine juxta magnam viam usque ad locum que dicitur Orchardescroft ex parte meridionali Quam quidem terram sepedictus Philippus et heredes ejus sepedictis abbati et conventui de Margan quiete et pacifice et integre perpetuo possidendam contra omnes homines warantizabunt et si contigerit sepedictum Philippum ante uxorem suam nomine Amable in fata decedere heres sepenotati Philippi quicunque fuerit de terra sua quam a dictis abbati et conventu in excambia accepit vel de alia sua terra eam dotabit Ita quod dicti abbas et conventus terram eis excambiatam perpetuo possidebunt libere quiete et pacifice et integre et eam sine omni contradictione poterunt qualicumque clausura voluerint claudere et ut propriam in omnibus meliorare Facta autem fuit hec convencio anno domini MCCL septimo circa festum Sancti Benedicti que ut stabilis et rata permaneat imperpetuum hujus scripti cirographati partes mutuas sigilli sui impressione pars mutua roboravit Hiis testibus domino Daniele Siward Willelmo le Flammang Philippo de Nerber et Mauricio fratre ejus J le Noreis et Willelmo fratre ejus Thoma Grammus et aliis