Charter Document - 03060591
| Charter Number: | 03060591 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1257 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus presentibus et futuris ad quos presens scriptum pervenerit Johannes Wytard burgensis de Kenefech eternam in domino salutem Noveritis me anno domini MCCL septimo in die Sancti Benedicti abbatis donasse Deo et ecclesie beate Marie de Margan et monachis ibidem Deo servientibus tres acras terre mee arabilis et dimidiam cum pertinentiis Quas quidem tres acras et dimidiam ab eisdem monachis per cartas tenui unde et pro salute anime mee easdem cartas in manus eorum resignavi dicte terre pro me et heredibus meis renuntiando in perpetuum Quod si uxor mea me supervixerit quicunque heres meus fuerit de alia terra mea ipsam dotabit Ita quod dicti monachi prenominatum terram ex libera donacione mea quietam et integram habeant in perpetuum Et ut hec mea donacio et concessio rata et inviolabilis permaneat presenti scripto sigillum meum apposui Hiis testibus Philippo de Cornely Thomas Gramus Philippo clerico Willelmo le Frankeleyn Hugone Cogh et aliis
Source (click image below to view full size)
