Charter Document - 03060581
| Charter Number: | 03060581 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1253 |
| Date type: | Internal, A.D. |
| Resource Link(s): |
|
Charter:
Universis Christi fidelibus presens scriptum visuris vel audituris fratres J de Thinterna St[Ephanus] de Dora dicti abbates salutem in Domino eternam Noverit dilectio vestra nos quasdem literas a capitulo generali dompno abbati de Strata Florida in presentia nostra transmissas inspexisse anno domini MCCL tertio in Alba Domo sub hac forma In crastino undecim milium virginum Frater B dictus abbas Cisterciensis totusque conventus abbatum capituli generalis dilecto in Christo coabbati suo de Strata Florida salutem et sinceram in Domino caritatem Cum sententia diffinitiva inter domum de Margan et Kerlion filiam vestram per venerabiles de Buildwas de Brueria et de Kyngeswde abbates rite ac juditialiter lata a capitulo generali approbata sit et confirmata dilectionem vestram benigne rogamus vobis tenore presentium mandantes quatinus dictam sententiam a filiis vestris dicte domus personis auctoritate nostre inviolabiliter faciatis observari Ne quod absit de ipsis aliquid rebellionis seu tergiversationis contra dictam sententiam factam nobis de cetero querulosa insinuatione debeat presentari tantum super premissis fatientes ut diligens executio vestra in hac parte merito debeat commendari Valete Datum apud Cistercium anno Domini MCCL tertio Tempore capituli generalis In cuius rei testimonium huic scripto patenti sigilla nostra apposuimus Valete
Source (click image below to view full size)
