Charter Document - 03060576
| Charter Number: | 03060576 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1253 |
| Date type: | Internal, A.D., Feast |
| Resource Link(s): |
|
Charter:
Noverint universi presens scriptum visuri vel audituri quod ego Wronu Bil invadiavi duas acras terre mee abbati et conventui de Margan pro decem solidis que jacent in eminentiori loco montis que dicitur Grethulle videlicet inter terram dictorum abbatis et conventus de Margan versus austrum et terram Willelmi clerici filii Alexandri habendam et tenendam ad terminum viginti annorum libere quiete et pacifice cum omnibus pertinenciis illis et aysiamentis solvendo michi vel heredibus meis singulis annis ad Pascha unum denarium quamdiu dictam terram tenuerint Et sciendum quod si ego vel heredes mei dictam terram ad terminum prefixum non acquietaverimus dicti abbas et conventus eandem terram libere possidebunt donec dicti decem solidi a me et vel heredibus meis eisdem plenarie fuerint persoluti Hoc insuper considerato quod si dicti abbas et conventus aliquo modo dictam terram melioraverint ego vel heredes mei cum eandem acquietaverimus pro recompensatione melioracionis eis respondebimus Facta autem fuit hec convencio anno Domini MCC quinquagesimo tercio In festo beatorum Fabiani et Sebastiani coram Waltero Luvel Thoma Gramus Ph de Cornely Willelmo Frankelein Ph clerico Waltero Acelin In cujus rei testimonium ego predictus Wrono Bil presenti scripto sigillum meum apposui
Source (click image below to view full size)
