Charter Document - 03060534

Universis Christi f[idelibus] h[oc] p[resens] S[criptum] v[isuris] vel a[udituris] Cnaytho ab Yago Candalo ab Walter Walter ab Wassamfret Eynon Vachan Wronu ab Eynon Wronu Du et filii ejus Yewan ab Aythan Aythan Vachan Philip ab Alured Yewan Palmer Eynon ab Ruathlan Ririd ab Ruathlan Jorvard ab Yvor Cradoc ab Alured Eynon ab Nestrec Wronu ab Yvor Wronu ab Caterod Wilim ab Ythel Ithenerd ab Yvor Wasmeyr ab Caterod Ythel ab Lewelin Heylin ab Goythur Cnaytho ab Kenewrec Lewelin ab Kenlas Wronu ab Wasmeyr Wassamfret Vachan Wronu ab Wassamfret Yewan ab Gidla Louark ab Wabdewi Ythel Grun et mater ejus Wladus filia Ythel Wladus uxor Aythan Weyruil filia Yvor Weurdit filia Rired Lewelit uxor Aythan de Sancta Brigida superiori salutem in Domino Noverit universitas vestra nos in recompensacione multorum et magnorum dampnorum que monachis de Margan intulimus apud grangiam suam de Egleskeinwir et in locis aliis ad dictos monachos pertinentibus utpote pratis pascuis nemoribus edibus feno blado et rebus aliis multis quorum estimacio dampnorum sexaginta excedit libras reddituros dictis monachis infra curriculum sequencium sex annorum vi marcas quolibet videlicet anno ad festum Sancti Donati marcam unam sub pena xx solidorum primam marcam solvere incipientes anno gracie MCCXLVII Si vero quemquam nostrum infra ultimum prefixum terminum mori contigerit morientis heres taxatam solucionem pro defuncto supplebit Et quia ad dictorum satisfaccionem dampnorum minus sufficit tantilla pecunie solucio voluntate ducti spontanea dedimus et concessimus Deo et ecclesie B[eate] M[arie] de Margan nos et heredes nostri vel successores servicium xxiiii hominum qui parati erunt omni tempore ad auxilium et defensionem dicte domus super sumptus monachorum contra omnes injuriantes preter proprium dominum quicunque ab eisdem vel eorum assignatis fuerimus requisiti Juravimus etiam super sacrosancta ecclesie de Margan quod decetero nullum dampnum nullo in loco dictorum monachorum inferemus eisdem vel inferri pro posse nostro permittemus Nec furtum de bonis suis recipiemus nec fures seu raptores bonorum suorum manutenebimus set fideles eisdem erimus imperpetuum nec terrarum suarum terminos cum animalibus nostris pascendis intrabimus aliquo tempore anni Si vero nos seu heredes nostri contra dictam formam quod absit aliquando venire presumpserimus videlicet ut cum animalibus pascendis terminos monachorum dictorum ullo tempore decetero ingrediamur in penam transgressionis dabimus dictis monachis singulis vicibus quibus transgressi fuerimus pro unoquoque bove seu vacca equo vel equa denarium unum pro xij ovibus denarium unum pro totidem porcis seu capris tantumdem absque contradictione aliqua Volumus etiam ut si nos seu heredes nostri dicte forme fuerimus transgressores quod dominos Landavensis episcopus qui pro tempore fuerit vel ejusdem sedis ordinarius absque strepitu judiciali nos statim excommunicationis et interdicti sentencie supponat Et quia sigilla propria non habemus ad peticionem nostram dominus Willelmus de Burgo tunc Landavensis episcopus huic scripto sigillum suum apposuit una cum sigillis magistri Gobio tunc precentoris Landavie et W de Caneton tunc decani ejusdem loci judicum a domino Papa subdelegatorum ad totam causam que inter nos et dictis monachos vertebatur Hiis testibus Dominis Gilleberto de Humframuile Waltero de Sullia Thoma vicario de Llantrissen tunc cancellario domini episcopi Landavensis Radulpho tunc rectore ecclesie de Novo Castello Jorvardo ab Espus Reso Coch Ricardo clerico de Kenefeg Thomas de Cantelo Philippo de Kayrmerth[In] Johanne de Sueynese monachis de Margam Pagano tunc vicario de Cohytchirche et multis aliis