Charter Document - 03060526
| Charter Number: | 03060526 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1246 |
| Date type: | Internal, A.D. |
| Resource Link(s): |
|
Charter:
Omnibus Christi fidelibus presens scriptum v[isuris] vel a[udituris] Morganus filius Owen salutem in domino Noverit universitas vestra quod hec est concordia finalis facta anno Domini millesimo ducentesimo quadragesimo sexto coram domino Willelmo de Burgo Landavensi episcopo inter me et monachos de Margan Videlicet quod ego Morganus consensu et consilio heredum meorum et ceterorum amicorum meorum pro maximis et enormibus dampnis que dictis monachis intuli Utpote in equitio et animalibus aliis bobus scilicet et vaccis rebus etiam aliis quam plurimis quas hic enumerare pretermitto Quorum dampnorum summa ad centum quinquaginta tres libras sterlingorum a viris prudentibus estimabatur redditum viginti solidorum quem michi annuatim reddere solebant pro Havothaloch usque ad redditum duorum solidorum pro me et heredibus meis dictis monachos relaxavi et quitum clamavi inperpetuum Ita sane quod redditum duorum solidorum octavo die ante natale Domini michi et heredibus meis annuatim reddere fideliter non omittant Et ut hec nostra finalis concordia a me et heredibus meis fideliter et sine dolo teneatur in posterum volo quod si contra eam ego vel heredes mei venire presumpserimus aliquando quod absit ut statim liceat domino episcopo Landavensi vel alii ordinario qui pro tempore fuerit in me et heredes meos et in terram nostram excommunicationis sententiam vel interdicti promulgare sine cause cognitione donec plenarie dictis monachis satisfecerimus Ad majorem etiam hujus obligationis confirmationem concedo ut ballivi domini comitis et maxime ballivi castrorum de Neth et Landtrissen ad hec predicta inviolabiliter observanda nos compellant Juravi insuper tactis sacrosanctis ecclesie de Margan omnia predicta me fideliter observaturum et omnia bona predictorum monachorum contra omnes homines pro posse meo defensurum Super hiis etiam omnibus ut hec nostra finalis concordia in perpetuum firmitatis robur obtineat dominus Willelmus de Burgo Landavensis episcopus in cujus presentia consilio etiam et auxilio facta est Et dominus Ricardus comes Glouernie una cum sigillo meo sigilla sua huic scripto apposuerunt Hiis testibus domino Willelmo Landavensi episcopo magistro Petro officiali Radulfo de Novo Castello Nicholao tunc decano de Gronnyth Stephano Bauzain tunc vicecomite de Glammorgan Waltero de Sulya Gilleberto de Umframvilla Johanne de Regny Willelmo le Flammeng Leysano filio Morgani Cham Owen ab Alaythur Yorverd ab Espus et multis aliis
Source (click image below to view full size)
