Charter Document - 03060495
| Charter Number: | 03060495 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1234 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus p[resens] s[criptum] v[isuris] vel a[udituris] Johannes Resus Rogerus Galfridus Henricus Moreduth Mauricius filii Griffini Began salutem in Domino Noverit universitas vestra quod nos consilio Griffini Began patris nostri et Resi filii Griffini domini nostri et aliorum amicorum nostrum quitum clamavimus et abjuravimus pro nobis et omnibus heredibus nostris totum clamium nostrum quod habuimus versus Rogerum Sturmi avunculum nostrum et totum jus quod dicebamus nos habere de medietate redditus de Sturmiestune scilicet dimidie marce quem monachi de Margan solebant reddere annuatim eidem Rogero pro terra de Sturmiestune quam medietatem scilicet quadraginta denarios dicebamus predictum Rogerum avunculum nostrum dedisse et incartasse patri nostro Griffino in maritagium cum sorore sua matre nostra Juravimus etiam coram pluribus bonis viris pro nobis et heredibus nostris in ecclesia de Landaf super tumbam Sancti Theliawi et super omnia sacrosancta ejusdem ecclesie quod nunquam vexabimus monachos de Margan pro predicto redditu nec pro predicto tenemento vel aliqua parte ejus set habeant et teneant dicti monachi dictum tenementum libere quiete et pacifice pro omnibus nobis et omnibus heredibus nostris in perpetuum in omnibus et per omnia sicut carta dicti avunculi nostri quam inde habent testatur Et nos istam quitam clamationem nostram warantizabimus contra omnes homines in perpetuum Et preterea sciendum quod quando fecimus dictam quitam clamationem dictus avunculus noster dedit nobis quinque marcas sterlingorum per manum monachorum de Margan non pro jure quod habuerimus in clamio nostro set quia nepotes ejus fuimus et voluit nos promovere Et hoc totum factum est anno Domini MCCXXX quarto in septimana Pentecostes in ecclesia de Landaf coram domino Elya tunc Landavense episcopo et Mauricio archidiacono et multis tam canonicis quam clericis ejusdem ecclesie et coram Reso filio Griffini et multis aliis existente eodem archidiacono procuratore dicti avunculi nostra una cum fratre Johanne tunc abbate de Margan Et quia propria sigilla non habuimus sigillum domini Elie tunc Landavensis episcopi et sigillum capituli ejusdem ecclesie ad petitiones nostras presenti scripto apponi fecimus Hiis testibus Domino Elia tunc episcopo Landavense Mauricio tunc archidiacono Landavense Mauricio Gobion thesaurario Radulfo de Novo Castello canonico Landavense magistro Mauricio de Cristchurge magistro Ricardo de Kerliun Reymundo de Suly Willelmo de Regny Reso filio Griffini Reso ab Kenewreg Yoruard Velyn Kenewreg ab Yoruard et multis aliis
Source (click image below to view full size)
