Charter Document - 03060427
| Charter Number: | 03060427 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1175 - 1250 |
| Date type: | Assigned |
| Resource Link(s): |
National Library of Wales - Penrice and Margam Deeds 150 |
Charter:
Omnibus Sancte matris ecclesie filiis ad quos presens scriptum pervenerit Grifinus filius Caradoci de Tyriarth salutem in Domino sempiternam Sciatis me remisisse relaxasse et omnino quietum clamasse pro me et heredibus meis ac assignatis meis in perpetuum Deo et Beate Marie de Margam et monachis ibidem Deo servientibus totum jus et clamium quod habui seu unquam habere potui aut aliquis seu aliqui heredum seu assignatorum meorum decetero habere aut clamare potuerint in perpetuum in hiis terris subscriptis cum pertinenciis suis videlicet in tota terra que appellatur Tanguestellond cum pertinenciis suis Et in tota terra que dicitur Gistelardeslond cum pertinenciis suis Et in tota terra que vocatur Kederekeslond cum pertinenciis suis commoditatibus omnibus libertatibus et aisiamentis ad easdem terras spectantibus Ita quod nec ego Grifinus nec heredes mei seu assignati mei nec aliquis vel aliqui pro me vel per me aliquod jus vel clamium in totis terris predictis cum pertinenciis libertatibus et aisiamentis suis nec in aliquibus seu aliqua earundem in toto vel in parte decetero poterimus exigere vel clamare Et ego dictus Grifinus et heredes mei sive assignati mei totas prefatas terras integraliter cum pertinenciis prefatis monachis warentizabimus acquietabimus et defendemus in perpetuum Pro hac autem mea warentizacione et omnimoda quieta clamacione facta prefatis monachis tam pro me quam pro heredibus meis inperpetuum dederunt michi predicti monachi septem crannocos frumenti et dimidium per annum solummodo pro omnibus exactionibus et de mandis Et ut hec mea warentizacio relaxacio et omnimoda quieta clamacio firma stabilisque perseveret in perpetuum presens scriptum sigilli mei impressione roboravi Hiis testibus Willelmo ab Yoruerth Traharn ab Rees David ab Griffith Yoruerth ab Griffith Rees Voyl Wronou Seys Griffith Vachan Yoruerth Couth Oweyn Vachan Rees ab Cradoc Kederech ab Cradoc Rees Vachan David ab Rees et multis aliis