Charter Document - 03060228

H Dei gratia Landavensis episcopus et capitulum de Landaf universis Sancte ecclesie filiis ad quos presens scriptum pervenerit salutem Noveritis quod hec conventio facta est inter monachos de Margan et Wastmihangel super quartam partem terra de Bradinctune et inter eosdem monachos et Ruhatlan Brinheleng et Rigewarg super alia quarta parte terre de Bradinctune et inter eosdem monachos et Cradoc filium Bletheri super alia quarta parte ejusdem terre de Bradinctune scilicet quod quando hii omnes prenominati quitam clamaverunt in elemosinam illam quartam partem terre predicte quam Rieredus filius Kenaf eis dedit in elemosinam tunc dimiserunt et ipsi et quitum clamaverunt eisdem monachis quicquid juris clamaverunt in toto residuo predicte terre scilicet unusquisque portionem suam que illum contingebat ut ipsi monachi habeant et teneant eam sine omni retinemento libere et quiete ab omni seculari servitio et consuetudine et omni exactione sicut ulla terra liberius teneri potest usque in xi annos id est donec plenarie inde perceperint xi vestituras ita quod primam percipiat anno ab incarnacione Domini MC nonogesimo IX Et si contigerit aliquem prenominatorum mori ante predictum terminum perimpletum concesserunt et dederunt omnes simul totam partem ejus qui obierit predictis monachis in perpetuam elemosinam Et hoc totum firmiter tenere et warentizare juraverunt ipsi coram nobis et plegios invenerunt scilicet Kradoc et Iuor filius Worgani et Morganum et Moraduth filios Karadoci et Grifin et Cadewatlan filios Iuor et Cnaithur Janterel et Woru filium eius et Adam filium Meileri et Cradoc Medicum et Ris filium Johannis et Luelin filium Rieredi His testibus Magistro Mauricio Johanne presbitero de Kenefec Henrico de Hulle Nicholao de Penclau tunc decano Helia tunc decano Nicholao Gobion