Charter Document - 03057686
| Charter Number: | 03057686 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Religious |
| Charter Type(s): | Agreement, Settlement |
| Date: | 1199 |
| Date type: | Internal, A.D. |
| Resource Link(s): |
Durham Cathedral Archive - Cartulary III (f88r) Durham Cathedral Archive - Cartularium Vetus (f120r) |
Charter:
Omnibus ad quos litere presentes pervenerint Alexander Abbas de Melsa et Bernardus Prior de Novoburgo et Reginaldus Precentor Ebor eternam in Domino salutem Noverit universitas vestra quod causa que vertebatur inter venerabiles viros Bertramum Priorem et Conventum Dunelm et Roaldum Priorem et Conventum de Giseburne super Capellis de Dictona et de Werkesale et ex alia parte inter predictas Monachos et Stephanum Canonicum de Giseburne super Hessewelle et Windegate et Bakestaneforde cum pert[inentiis] hoc modo in presentia nostra et in presentia Simonis Decani Ebor et Hamonis Thesaurarii et Magistri Willelmi Archidiaconi de Notingham et multorum aliorum virorum autenticorum amicabiliter sopita est Scilicet quod predicti Prior et Conventus Dunelmensis pacifice quiete et imperp[etuum] possidebunt prenominatas Capellas de Dictona et de Werkesale predictique Prior et Conventus de Giseburne non movebunt amplius questionem sepe dictis Monachis nec ipsos aliquo modo in causam trahent super prenominatis Capellis nec artem vel ingenium querent unde predicti Monachi vexari possint Predicti etiam Monachi Dunelmenses quiete et pacifice possidebunt Hessewelle et Windegate et Bakestaneforde cum pert[inentiis] predictusque Stephanus Canonicus juri si quid in predictis locis habuit spontanea voluntate omnino et imperp[etuum] renunciavit ipsam prenominatis Monachis assignando Predicta etiam loca cum consensu Prioris et Conventus de Giseburne inspectis sacrosanctis Evangeliis sollempniter in presentia nostra abjuravit omniaque instrumenta que inde habuit in manum Prioris et Monachorum Dunelm resignavit et si quid penes eum remanserit viribus carebit Predicti vero Monachi intuitu amicabilis compositionis concesserunt predicto Conventui de Giseburne redditum decem marcarum argenti in Capella de Edene ita scil[icet] quod predictus Conventus de Giseburne habebit medietatem decime bladi in predicta villa et omnes obventiones que altare contingunt excepta terra ipsius Capelle que remanebit in dominio et dispositione ipsorum Monachorum Dunelmensium Habebit etiam predictus Conventus de Giseburne unum masuagium juxta Cimiterium et tres acras terre Capellanum autem et cetera necessaria predicte Capelle sufficienter invenient et sinodalia persolvent Prior vero et Conventus Dunelm predictam possessionem Priori et Conventui de Giseburne perpetuo warantizabunt Prior vero de Giseburne pro se et Conventu suo de hac possessione Priori et Conventui Dunelm fidelitatem se perpetuo observaturos firmiter promisit et literas ratihabitionis Capituli sui ad Capitulum Dunelmense secum portavit Ista autem compositio juramento solempniter prestito hinc inde corroborata est dignumque duximus ipsam sigillorum nostrorum munimine confirmare Actum anno incarnationis Dominice MCXCIX in Capitulo Ebor
Source (click image below to view full size)
Markups
Names Markup:
Omnibus ad quos litere presentes pervenerint Alexander Abbas de Melsa et Bernardus Prior de Novoburgo et Reginaldus Precentor Ebor eternam in Domino salutem Noverit universitas vestra quod causa que vertebatur inter venerabiles viros Bertramum Priorem et Conventum Dunelm et Roaldum Priorem et Conventum de Giseburne super Capellis de Dictona et de Werkesale et ex alia parte inter predictas Monachos et Stephanum Canonicum de Giseburne super Hessewelle et Windegate et Bakestaneforde cum pert[inentiis] hoc modo in presentia nostra et in presentia Simonis Decani Ebor et Hamonis Thesaurarii et Magistri Willelmi Archidiaconi de Notingham et multorum aliorum virorum autenticorum amicabiliter sopita est Scilicet quod predicti Prior et Conventus Dunelmensis pacifice quiete et imperp[etuum] possidebunt prenominatas Capellas de Dictona et de Werkesale predictique Prior et Conventus de Giseburne non movebunt amplius questionem sepe dictis Monachis nec ipsos aliquo modo in causam trahent super prenominatis Capellis nec artem vel ingenium querent unde predicti Monachi vexari possint Predicti etiam Monachi Dunelmenses quiete et pacifice possidebunt Hessewelle et Windegate et Bakestaneforde cum pert[inentiis] predictusque Stephanus Canonicus juri si quid in predictis locis habuit spontanea voluntate omnino et imperp[etuum] renunciavit ipsam prenominatis Monachis assignando Predicta etiam loca cum consensu Prioris et Conventus de Giseburne inspectis sacrosanctis Evangeliis sollempniter in presentia nostra abjuravit omniaque instrumenta que inde habuit in manum Prioris et Monachorum Dunelm resignavit et si quid penes eum remanserit viribus carebit Predicti vero Monachi intuitu amicabilis compositionis concesserunt predicto Conventui de Giseburne redditum decem marcarum argenti in Capella de Edene ita scil[icet] quod predictus Conventus de Giseburne habebit medietatem decime bladi in predicta villa et omnes obventiones que altare contingunt excepta terra ipsius Capelle que remanebit in dominio et dispositione ipsorum Monachorum Dunelmensium Habebit etiam predictus Conventus de Giseburne unum masuagium juxta Cimiterium et tres acras terre Capellanum autem et cetera necessaria predicte Capelle sufficienter invenient et sinodalia persolvent Prior vero et Conventus Dunelm predictam possessionem Priori et Conventui de Giseburne perpetuo warantizabunt Prior vero de Giseburne pro se et Conventu suo de hac possessione Priori et Conventui Dunelm fidelitatem se perpetuo observaturos firmiter promisit et literas ratihabitionis Capituli sui ad Capitulum Dunelmense secum portavit Ista autem compositio juramento solempniter prestito hinc inde corroborata est dignumque duximus ipsam sigillorum nostrorum munimine confirmare Actum anno incarnationis Dominice MCXCIXdate in Capitulo Ebor