Charter Document - 03051185

Anno Incarnationis Dominice MCCXXIIJ cum multe frequenter processissent dissensiones inter Episcopos Glasguensis Ecclesie et Canonicos de Gyseburne super Ecclesiis de Anant de Loumaban et de Cumbert[r]es et Kirkepatric et Reinpatric et Gretenho in usus proprios secundum Canonicorum assertionem habendis tandem die Sanctorum Felicis et Adaucti ad perpetuam utriusque Ecclesie tranquillitatem Dominus Walterus Glasguensis Episcopus et dicti Canonici de Gyseburne cum solemni et sufficienti satisdatione subjecerunt se gratis omni appellatione contradictione et cavillatione remotis provisioni et dispositioni virorum discretorum qui solum Deum per oculis habentes sub hac forma in ipso negotio processerunt Ordinantes quod omnes decime garbarum bladi Ecclesiarum de Anant et de Loumaban cum garbis Capella de la Rokele cedant in usus proprios dictorum Canonicorum libere quiete plenaria ab omni exactione et onere episcopali Cetera vero omnia cedant in usus Rectorum ipsarum Ecclesiarum plene et sine aliqua contradictione respiciendo Monasterium de Gyseburne singulis annis in tribus marcis per manus Rectoris Ecclesie de Anant percipiendis ad sustentationem luminaris Res piciendo etiam idem Monasterium in tribus marcis per manus Rectoris Ecclesie de Loumaban percipiendis in festo Assumptionis Beate Virginis annuatim Quas tres marcas ad tollendum omnem contentionis scrupulum optento consensu Capituli Glasguensis solvent idem Canonici Glasguensi Eccle sie annuatim in Nativitate Beate Virginis ad sustentationem luminarium Preterea omnes decime garbarum bladi Ecclesiarum de Cumbe[r]tres Gretenho Reinpatric et Kirkepatric cedant in usus Canonicorum cum decimis bladi Capella de Logan Salvis cuilibet Rectori in singulis istis quatuor Ecclesiis quatuor skeppis farine certo loco et competenti annuatim percipiendis et per Canonicos infra parochias juxta provisionem legalium assignandis Cetera vero omnia cum terris Ecclesiarum et decimis earumdem cedant in usus Rectorum istarum Ecclesiarum similiter et aliarum Adjecerunt tamen ut Canonici prefati habeant in qualibet parochia aream unam in loco competenti et unam acram terre in campo ad bladum colligendum Providerunt etiam ut Dominus Walterus Glasguensis Episcopus ac successores sui in perpetuum ordinent pro sua voluntate de Ecclesiis predictis cum vacaverint et in singulis instituant Rectores sine contradictione Canonicorum non expectata eorum presentatione cui inperpetuum renunciaverunt omnem Ecclesiarum earum dem ordinationem et collationem dicto Episcopo et successores suis concedendo Salvis eis decimis garbarum et aliis prout superius est provisum Salvo etiam jure et tenura Rectorum Ecclesiarum qui modo sunt quousque cesserint vel de cesserint Salva etiam tenura et possessione Willelmi de Glencarn in Ecclesia de Loumaban et Capella de Rokele tota vita sua reddendo ipsis Canonicos annuatim triginta tres marcas medietatem ad festum Sancti Martini et medietatem ad Pentecosten Instrumenta quidem super dictis Ecclesiis Canonicos confecta si ipsi contra hanc provisionem eis uti voluerint cassa sint et vana ita tamen quod si idem Episcopus vel aliquis successorum suorum contra eam venire voluerit eis libere utantur Canonicos memorati Et in hujus rei testimonium dicti Canonicos de Gyseburne sigillum Capituli sui presenti scripto apposuerunt Hiis Testibus Domino Petro et Henrico Priore de Jedd Magistro Stephano de Lillescl Magistro Hugone de Potton Domino Willelmo de Glencarn Dominis A et Roberto Capellanis Domini Episcopi Glasguensis Magistro Roberto de Sancto Albano Roberto de Hereford Willelmo Persona de Yrskin Clericis Domini Episcopi Magistro Roberto Vicario de Oxenham et multis aliis